Osakidetzak AstraZenecaren txertoa emateko hitzordua eman die jada 6.000 pertsonari
Koronabirusaren kontra AstraZenecaren txertoa jartzen hasi da berriro Osakidetza, eta dagoeneko 5.900 hitzordu baino gehiago eman ditu datozen egunetarako. Europako Sendagaiek Agentziak "txerto seguru eta eraginkorra" zela ebatzi ostean berrekin zaio txertaketari.
Gotzone Sagardui Osasun sailburuak Legebiltzarreko batzordean egin ohi duen asteroko agerraldian azaldu duenez, goizean ia 6.000 zita eman ditu Euskadiko Osasun Zerbitzuak, eta igandera arte 27.000 dosi ematea aurreikusi du. Aurreko astean hitzordua zuten eta etenaldiagatik ezeztatua izan zitzaien unibertsitatez kanpoko hezkuntzako langileek jasoko dute.
Bestalde, datorren astetik aurrera 65 urte beherakoak ere immunizatzen hasiko dira AstraZenecarekin, funtsezko langileen txertaketa horrekin batera.
Dena dela, bi prozesuak heltzen diren dosien araberakoak izango direla azpimarratu du Sagarduik. Izan ere, ohartarazi du atzo prestakin horren 4.900 dosi jaso zituztela, aurreko bidalketetan baino "askoz gutxiago". "Txertatzeko erritmoak ezin du jarraitua izan hornidura jarraitua ez bada", erantsi du.
Oxford Unibertsitateak eta Suitzako farmazia enpresak sortutako txertoaren harira "nahasdura" ez sortzeko deia egin du, eta azaldu du gertatuko dela pertsona nagusiak babestu gabe egotea eta aldi berean, gazteago batzuk immunizatzen ibiltzea. "Txerto bakoitzaren arabera egiten ari gara. Adineko pertsonentzat Pfizerrena dugu, eta AstraZenecako dosiak eduki arren, ezin dizkiegu eman", gaineratu du.
Txertaketan izandako gorabeherak hizpide, aitortu du balitekeela "akatsen bat" egin izana adinekoen taldea handia delako, baina argi utzi du Osakidetza "hitzorduak ematen" ari dela.
Are, gerta liteke "lekuren batean" 90 urte baino gutxiagoko pertsonaren bat txertatu izana, eta beste batean adin hortik gorakoak immunizatu gabe egotea.
Sagarduik emandako datuen arabera, gaur gaurkoz 90 urtekoen % 99,5 txertatu dituzte lehen dosiarekin, eta 80 urtekoen % 45,2. Osakidetzako profesionalen artean, % 100ak lehen dosia jaso dute, eta % 86k bi dosiak. Osasun pribatuan, lehen txertoa hartu dutenen portzentaia % 80koa da.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.