Positiboen igoera nabarmena Nafarroan: 205 kasu atzeman dituzte
Koronabirusaren datuek hanpatuta jarraitzen dute Nafarroan. Atzo 205 kasu atzeman zituzten, Foru Gobernuaren behin-behineko datuen arabera.
Zehazki, atzokoan 2.406 proba diagnostiko egin zituzten (bezperan baino 778 gutxiago), eta horietatik % 8,5 positibo izan ziren. Positibotasun tasa ia lau puntu igo da (% 4,9tik % 8,6ra).
Bezperan baino 50 kasu gehiago dira, baina duela astebete baino 84 gehiago, eta duela bi aste baino 140 gehiago. Horrenbestez, begi bistakoa da goranzko joera. Are, otsailaren 4az geroztik ez da halako datu alturik izan.
Bestalde, 95 pazientek jarraitzen zuten atzo Foru Erkidegoko ospitaleetan, aurreko eguneko kopuru berdina. Atzo zazpi pertsona ospitaleratu behar izan zituzten, horietako bi ZIUn, eta 87 urteko gizonezko bat hil zen. Nafarroan, koronabirusak 1.122 hildako eragin ditu dagoeneko.
Eskualdeka, Iruñean eta Iruñerrian positiboen % 58 baieztatu zituzten, Tuteran % 21 eta Lizarran % 9. Gainerako positiboak (% 12) beste eskualde batzuetan eman ziren.
Egoera epidemiologikoak izandako bilakaera eskasa dela eta, gauerditik itxiera perimetralean dago Milagro, eta bertan atzeman dituzten kutsatze gehien: 14. Hiru egunotan 53 kasu pilatu dira, horrenbestez. Burlatan 12 positibo zenbatu dituzte, eta Buztintxuri Iruñeko auzoan, 10. Kasu gehien pilatzen dituzten gune eta udalerrien zerrendan hurrengoak dira Iruñeko Donibane auzoa (bederatzi) Atarrabia (zortzi) eta Txantrea (hau ere Iruñean, zazpirekin).
Ostiral honetan sartu dira indarrean Aste Santurako murrizketak (martxoaren 26tik apirilaren 9ra). Etxeratze agindua 23:00etatik 06:00etara izango da, eta erkidegoa itxita egongo da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.