Bi aste barru 80 urtetik gorakoen txertaketa amaitzea aurreikusten du Osakidetzak
Gotzone Sagardui Osasun sailburuak esan duenez, Osakidetzak 80 urtetik gorakoen txertaketa-prozesua bihar hastea eta hurrengo asteko lehen egunetan amaitzea aurreikusten du.
Osasun Sailaren datuen arabera, adin-tarte horretan % 70,7k lehen dosia jaso dute, eta % 34,3k, biak.
Sagarduik Iñigo Urkullu lehendakariarekin batera egin ditu adierazpenok, Durangoko (Bizkaia) Landako Gunean, EAEn txertaketa masiboak egiteko erabiltzen den guneetako batean.
80 urtetik gorakoentzako txertaketa-aurreikuspenak hilabete honetan zehar iritsiko diren Pfizerren dosiekin beteko direla azaldu ondoren, sailburuak erantzukizunez jokatzeko deia egin du, "gehiegi" biltzea saihesteko, eta Euskadira iritsi diren AstraZenecaren 52.000 dosiak atzo eta bihar artean emango direla gogorarazi du.
"Ez da gaitasun kontua, prestasun kontua baizik", azpimarratu du sailburuak, eta jaiegun hauetan 61 eta 65 urte bitarteko pertsonei txertoak jartzen ari diren profesionalen lana eskertu du.
65 eta 79 urte bitartekoei noiz jarriko zaien txertoa galdetu diote Sagarduiri
Bizkaiko pentsiodunen mugimenduak gutun bat bidali dio Osasun sailburuari, "65 eta 79 urte bitarteko pertsonen txertaketa noizko" den galdetuz.
Pentsiodunen mugimenduak ohar batean azaldu duenez, adin horietako pertsonen kezka "oso handia da", txertaketa-prozesuan "baztertuta" sentitzen direlako.
"Ez diogu eragozpenik jartzen 55 eta 65 urte bitarteko pertsonen txertaketa zabaltzeari; alderantziz. Baina deigarria egiten zaigu 65 eta 79 urte artekook, arrisku-taldeko biztanleriaren sektore zabala osatzen dugunok, txertoa jasotzen hasi ez izana", azpimarratu dute.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.