AstraZenecaren txertoa 60 eta 69 urte arteko pertsonei jarriko zaie
AstraZenecaren txertoa 60 eta 69 urteko pertsonei ematea erabaki dute Espainiako Osasun Ministerioak eta autonomia erkidegoek. Lehendabizi, 60 eta 65 urte arteko pertsonen txertaketa kanpaina amaituko dute, eta ondoren hasiko dira 66tik 69ra bitartekoei txertoa jartzen.
Ildo berean, Osasun Publikoaren Batzordeak bertan behera utzi du enpresa-farmazeutiko horren txertoa jaso behar zuten 60 urtetik beherako pertsonei zuzendutako kanpaina.
Bestalde, jada lehendabiziko dosia hartu duten herritarren kasuan zer egingo duten ez dute argitu. Bigarren dosia eman ala ez, hor dago eztabaida. Proba zientifikoetan eta Sendagaien Europako Agentziak egindako azterketetan oinarrituta, erabakia "laster" jakinaraziko dutela esan dute, egunik zehaztu gabe.
AstraZenecarekin txertaketa prozesua otsailean hasi zen. Funtsezko kolektiboetako langileei –irakasleak, poliziak edota suhiltzaileak- eta, oro har, herritarrei jarri zieten. Hasiera batean, 55 urtetik beherakoei soilik, baina ondoren muga hori 65 urtea zabaltzea erabaki zuten.
Sendagaien Europako Agentziak txerto horri lotutako tronbosi kasuei buruz emandako ebazpenaren ostean, Osasun Ministerioak eta erkidegoek 60 urtetik beherakoei zuzendutako kanpaina etetea erabaki zuen, eta gaur AstraZenecaren txertoa 60 eta 69 urte bitarteko pertsonei jarriko dietela zehaztu dute.
Adin tarte horretako lagunei une honetan eskuragarri dauden edozein txerto jarri ahalko zaie, eta laster, baita Janssenena ere, lehendabiziko dosiak hilabete honetan iritsiko direla espero baita.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.