Santos Indurainek "pozik" hartu du AstraZenecaren lehen dosia
61 urteko Santos Indurain Nafarroako Gobernuko Osasun kontseilariak AstraZenecaren lehen dosia "pozik" hartu du larunbat honetan. Konfiantza azaldu nahi izan du kontseilariak: "irudi batek mila hitz baino gehiago balio du".
Indurain Maristak ikastetxe zaharrera hurbildu da, bere adin tartea (60 urtez gorakoak) txertatzen hasi diren aurreneko egunean. Horrela, AstraZenecaren inguruko polemika alde batera utzi nahi izan du agintariak, Espainiak 60-69 adin tartea marka horrekin txertatzea erabaki ondoren. Era berean, Enrique Maya Iruñeko alkateak AstraZenecaren lehen dosia jaso du.
Txertoa hartu ondoren, dispositiboa osatzen duten profesionalen arreta goraipatu du Indurainek. Larunbatetik igandera 6.200 pertsona baino gehiagori txertoa jarri behar diete.
"Gizarte osoak bizi duen pandemia gogorrean pozteko arrazoia da gaurkoa. Txertoa jaso duten pertsonengan ikusi dut. Gaixotasuna prebenitzeko justifikaturik dago, baina batez ere arazo larriak, ospitaleratzeak eta heriotzak saihesteko, dagoeneko txertoa jaso duten taldeetan egiaztatzen ari garen bezala", nabarmendu du.
AstraZenecaren txertoarekin herritarrek izan ditzaketen erreparoen inguruan galdetuta, kontseilariak esan du: "izan diren aldaketengatik mesfidantza hori uler dezaket, baina orain gure papera komunikatzea, ondo azaltzea eta aldaketen zergatia argi uztea dela uste dut. Sendagaien zaintzarako sistema ona dugula azaldu behar dugu".
Edonola ere, "arrisku-onura ondo" azaldu behar dute arduradunek, "oso argia delako: onurak arriskuak baino gehiago dira, askoz gehiago, txertoa jasotzen ari garen adin tarteetan. Hori helarazi behar diogu biztanleriari, ulergarria delako".
Horrela, gaixotasuna igarotzearen arriskuak eta arazoak, eta txertoaren arriskuak alderatu nahi izan ditu. Eritasuna "arazo larriak sortzen ari da, hala nola, ospitaleratzeak eta ZIUa", gogorarazi du, baita heriotzak ere. Beraz, "zergatiak eta onurak-arriskuak azaldu behar dira, eta gero herritar bakoitzak erabaki dezala", erantsi duenez.
Bigarren dosia
Bestalde, AstraZenecaren lehen dosia jaso, baina markarekin txertatzeko parametroak orain betetzen ez dituzten nafarrengatik galdetuta, bi dosien artean ia hiru hilabete igaro behar direnez, irtenbidea erabakitzeko "premiarik ez" dagoela ohartarazi du Indurainek. Aukerak hiru dira: bigarren dosia marka berdinarekin edo beste marka batekin eman, ala bigarren dosia jaso gabe geratu.
"Erabaki garrantzitsu horiek presarik gabe hartu behar dira. Martxan diren probak eta azterketak kontuan hartu barik erabakitzeko premiarik ez dugu", adierazi du kontseilariak. "Erabaki bateratua, beste herrialde batzuekin batera, adituekin adostua" hartzearen alde agertu da. "Bigarren dosiaren zain dauden profesionalei hori esango diegu", azpimarratu du, batez ere irakasleei eta Nafarroako poliziei.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.