Ostiralean erabakiko dute AstraZenecaren bigarren dosia jarri ala ez
Carolina Darias Espainiako Osasun ministroak jakinarazi duenez, Osasun Publikoaren Batzordea ostiral honetan bilduko da, AstraZenecaren txertoaren lehen dosia hartu duten 60 urtetik beherakoei bigarrena eman behar zaien ala ez erabakitzeko.
Lurraldeen arteko osasun kontseiluaren bileraren ostean egindako agerraldian, Sendagaien Europako Agentziak azken erabakia herrialde bakoitzaren esku utzi zuela eta Osasun Ministerioko adituak aukera ezberdinak aztertzen ari direla azpimarratu du.
"Frantzian edo Alemanian, ARN mezularian oinarritutako txertoak (Pfizer edo Moderna) erabiltzen ari dira bigarren dosia emateko; eta Irlandan, bigarren dosia emateko epea 16 astera luzatu dute, erabaki bat hartzeko denbora irabazteko. Sendagaien Europako Agentziak herrialde bakoitzaren esku utzi du erabakia, eta gure kasuan, erabakia ostiralean hartuko da", azaldu du.
Horrez gain, Dariasek gogora ekarri du txerto ezberdinak konbinatzea segurua eta eraginkorra den zientifikoki frogatzeko entsegu klinikoa abian dagoela, bihar bertan amaituko dutela boluntario guztien txertaketa eta emaitzak maiatza erdialderako espero direla.
Testuinguru horretan, Espainiako Gobernua ikerketa horren ondorioak ezagutu arte itxarotearen aldekoa dela onartu du, baina zehaztu du Osasun Publikoaren Batzordeak ebazten duena errespetatu egingo duela.
"Erabaki konplexua da, eta herrialdeak hartzen diren jarrerak ikusita, eztabaida irekita dago Europan. Alabaina, Sendagaien Europako Agentziak iritzi bat eman du, ez du eztabaida amaitutzat eman. Txertoak konbinatzeko froga zientifiko nahikorik ez dagoela esan dute. Eta gu froga zientifiko horien bila gabiltza, hain justu ere. Informazio gehiago izan nahi dugu, erabaki egokiena eta seguruena hartzeko. Erabakia zaila da, eta nik uste dut hobe dela pixka bat gehiago itxarotea", adierazi du.
Edonola ere, lasaitasunerako mezua igorri die AstraZenecaren lehen dosia hartu duten herritarrei: "Lehen dosiarekin % 76ko babesa lortzen da birusaren aurrean. Irlandan egin duten moduan, posible da denbora gehiago hartzea".
Alarma-egoera
Bestalde, Dariasek esan du arratsalde honetako bileran ez dutela alarma-egoeraren amaiera aztertu eta berretsi egin du Espainiako Gobernuaren asmoa arau hori maiatzaren 9tik aurrera baliogabetuta uztea dela, betiere pandemiaren bilakaera kontuan hartuta.
Gaur goizean, Radio Euskadin egindako elkarrizketan, Idoia Mendia lehendakariordeak adierazi du posible izango litzatekeela alarma-egoera "erkidego batzuetan soilik" mantentzean indarrean.
Alabaina, eta kazetarien galderei erantzunez, Dariasek jakinarazi du erkidego bakar batek ere ez duela horrelako eskaerarik egin.
Amaitzeko, Dariasek jakinarazi du hasiera batean iragarri baino dosi gehiago jasoko dituela Espainiak aste honetan: 2 milioi dosi izango zirela esan zuten astelehenean, baina 4 milioi izango dira azkenean. AstraZenecak eta Modernak aurreikusitakoa baino dosi gehiago bidaliko dituzte: 1,68 milioi eta 400.000, hurrenez hurren. Janssenek, berriz, 126.000 dosi igorriko ditu aste honetan.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.