400 boluntariok jaso dituzte AstraZeneca eta Pfizer konbinatzeko entseguaren dosiak
Aurretik AstraZenecaren dosi bat jaso duten 60 urtetik beherakoei Pfizerrena ematearen eraginkortasuna aztertzen ari den Carlos III.a Osasun Institutuaren saiakuntza klinikoan parte hartu duten 400 pertsonak inokulatu egin dituzte dagoeneko Alemaniako farmazialariaren serumarekin.
Osasun Ministerioak jakitera eman duenez, atzo amaitu zuten 'CombiVacs' saiakuntza klinikoan parte hartzen ari ziren 600 lagunak biltzen, eta 400 pertsonak Pfizerren txertoa jaso dute dagoeneko.
Gainerako 200ak ez dituzte oraindik txertatuko, inokulatukoen emaitzen zain, eta horrela aholkatzen badute, Pfizer jarriko zaie 28 egunera.
Saiakuntza klinikoan parte hartzeko, boluntarioek 60 urte baino gutxiago izan behar zuten, AstraZenecaren lehen dosia jasota izan behar zuten eta gutxienez zortzi aste igaro behar ziren inokulatu zenetik.
Apirilaren 19an aurkeztutako saiakeran, bost ospitalek hartu dute parte: Bizkaiko Gurutzeta, Madrilgo La Paz eta San Carlos klinikoa; eta Bartzelonako Vall d 'Hebron eta Clinic.
Carlos III.a Osasun Institutuko Mikrobiologia Zentro Nazionalak Sendagaien eta Osasun Produktuen Espainiako Agentziaren aholkularitza zientifikoa izan du. Saiakuntzaren laborategi nagusia da, eta antigorputzen zifrak aztertzeaz eta interpretatzeaz arduratuko da.
Espainiako Osasun Publikoaren Batzordeak bilera egingo du gaur, AstraZenecaren txertoaren lehen dosia hartu duten 60 urtetik beherakoei bigarrena eman behar zaien ala ez erabakitzeko.
Hainbat aukera daude mahai gainean: AstraZenecaren bigarren dosia ematea, Sendagaien Europako Agentziak emandako gomendioari jarraituz; txertoak nahastea; kasu horretan txerto konbinaketari buruzko entsegu klinikoaren emaitzei itxarongo zaie edo azkenik bigarren dosia ez jartzea.
Zure interesekoa izan daiteke
Euriari aurre egin eta Donostiako kaleak girotu dituzte Iñude eta Artzainek
Ospakizun eguna dute gaurkoa Donostiako Alde Zaharrean. Azken 49 urteetan bezala, inauteri aurreko igandean, Kresala Elkartearen konpartsa atera da desfilean, aintzinako inauterietako pertsonaiak gogora ekarriz. Sarriegiren doinuez lagunduta, zortziko, fandango eta arin arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.