Bilbok aisialdia sustatuko du itsasadarraren ertzetan
Bilboko Udalak itsasadarrean aisialdia sustatzeko analisiaren ondorioak aurkeztu ditu. Helburuetako bat da itsasadarraren ertzetan aisialdi jasangarria sustatzea, irisgarria eta doakoa.
Asier Abaunza Obretako, Hiri Plangintzako eta Proiektu Estrategikoetako zinegotziak analisi honen garrantzia nabarmendu du, "ingurunea sakon ezagutzeko modua ematen baitigu, eta aldez aurreko ezinbesteko urratsa baita, zalantzarik gabe, itsasadarra gure hiriaren ardatz dinamizatzaile bihurtzeko".
Udalak garapen jasangarriko proiektu bat eman nahi dio itsasadarrari, ardatz gisa berreskuratu, eta aisialdia indartzeko. Gainera, aurrerantzean ere espazioaren berreskurapen naturalarekin jarraitzeko asmoa dute, eta horren ezagutza eta ikerketa sustatzekoa.
Inguruneari buruzko ezagutza eskuratuta, Udalak tarteak bereiziko ditu itsasadarraren ibilbide osoan zehar, bakoitzari eman nahi dion erabileraren arabera. Hala, natur intereseko gune izendatu ditu Bolueta-Abusuko eta Kadagua-Zorrotzako ibaiertzak, eta biodibertsitateari lehentasuna emango dio, giza jardueraren aldean.
Zenbait ingurune erabilera askotarikoak izatea ere proposatu dute, hala nola Areatza, Martzana, San Inazioko erriberako pasealekua eta Zorrotza zein Zorrotzaurren garatzekoak diren beste batzuk.
Azterlanak barne hartzen dituen proiektu estrategikoen artean dira Zorrotzaurreko hiri-hondartza, Itsasadar Digitala, Kai-mutur Lehorra (jatetxe-gunea izan dadin) eta Zorrotzako Muturrean aisialdirako gune bat abiaraztea.
Bilboko Udalak pasealekuak eta egonaldirako guneak sustatzea ere aurreikusi du, oinezkoen ibilbideari lehentasuna emanez, betiere. Zehazki, uste pasealeku kopurua % 20 haziko dela itsasadarraren ertzetan.
Bestalde, espazio horietan zuhaitzak eta landareak landatuko dituzte.
Zure interesekoa izan daiteke
Baltsa piratek Kontxako badia hartuko dute berriro astelehen honetan
Piraten abordatzeak milaka parte-hartzaile bilduko ditu berriz ere Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Kanoikadak Donostia astindu du eta hasiera eman die jaiei
Euriak ez du unea zapuztu, eta Onintza Mokoroak metxa piztearekin batera lehertu da Gipuzkoako hiriburua. Jarraian, lehen aldiz, dantzek hartu dute udaletxeko terraza, hiriko zortzi dantza talderen eskutik.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.