Trafiko kanpaina berria Nafarroan, motozikleten istripuak murrizteko
Foruzaingoko Trafiko eta Bide Segurtasuneko Sailak eta Nafarroako Guardia Zibilaren Trafiko Elkarteak Trafikoaren Zaintza Areagotzeko plana diseinatu dute. Plan hori astebururo egingo da maiatzaren 15etik ekainaren 13ra, motozikleten istripu-tasa murrizteko helburuarekin.
Eguraldi onaren etorrerak eta alarma egoeraren bukaerak Foru Erkidegoko errepide gehienetan mugikortasunaren hazkunde handia eragingo dutela aurreikusten da.
Operatiboa motozaleentzako arrisku handiko guneetan abiatuko dute, DGTk definitu eta duela gutxi seinaleztatu dituenetan: NA-1110 (Galar-Viana), NA-140 (Auritz-Izaba) eta NA-214 (Nabaskoze-Burgi) errepideetan. Baina Iruñeko saihesbidean (PA-30), N-135 errepidean (Iruñea-Frantzia Luzaidetik) eta Erribera aldean ere arituko dira.
Kanpaina honetan, bi eta lau gurpileko patruilak ibiliko dira aipatutako bideetan, aireko bitartekoak (helikopteroak zein droneak) lagun dituztela, ibilgailuen baldintza teknikoak egokiak diren aztertu, ausarkeriaz eta arduragabekeriaz gidatzen dutenak atzeman, abiadura zaindu eta alkohol eta drogen kontsumoa kontrolatzeko.
Beste urte batzuetako esperientziak eta istripu-tasaren azterketak erakusten dutenez, motozikleten istripu-tasak gora egin du asteburuetan, eta hildakoen eta zauritu larrien kopuruak hazi egin dira; izan ere, azken bost urteetan, 20 motozale inguru hil eta 100 baino gehiago zauritu dira. Hori dela eta, kolektibo hori interesgune garrantzitsua da istripu-tasa handia murrizten saiatzeko.
Zure interesekoa izan daiteke
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.
Duranako Ikasbidea Ikastolako ikasbidaia batean hainbat neskei edalontzietara droga bota zieten ikertzen ari dira
EITBk jakin ahal izan duenez, Mediterraneoan barrena gurutzaontzi batean bidaiatu zuten gazteek, eta barkutik bertatik gazteek familiei egindako deiek piztu zituzten alarmak. Uste dute hainbat neskei edarira substantziaren bat bota zietela.
Guardia Zibilak berretsi du Maialen Mazonen arrisku egoera "muturrekoa" zela
Maialen Mazonen hilketa argitzeko epaiketaren laugarren egunean, ustezko hiltzailearen amak deklaratu du. Adierazi du semea "egoera normalean" ez dela halakorik egiteko gauza.
"Kuadrilla" kartelak iragarriko ditu 2026ko sanferminak
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
'MV Hondius' ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.