Kongresuak behin betiko onartuko du gaur haurtzaroaren legea
Dena ondo bidean, Haurrak eta Nerabeak indarkeriaren aurrean erabat babesteko Lege Organikoa onartuko du gaur Diputatuen Kongresuak, talde ia guztien aldeko botoekin.
Gaurko eztabaida eta bozketa azken izapidea da testua behin betiko indarrean sartzeko. Araua "Rhodes Legea" bezala ere ezagutzen da, James Rhodes piano-jolearen abizenagatik: britainiarrak sexu abusuak jasan zituen haurra zela eta legea onartzeko borrokan ibili da urteotan. Izapidetze parlamentarioan hainbat kontu erantsi dituzte taldeek, azkenak Senatuan.
Honakoak dira legean jasotako berrikuntza nagusiak: biktimak 35 urte betetzen dituenean hasiko da adingabeen abusuen delituak preskribatzeko epea (orain 18 urte betetzen dituenean hasten da), Gurasoen Alienazio Sindromea (GAS) debekatzea edo adingabeak berriro biktima egitea saihesteko aldez aurretik eratutako froga indartzea. Horrez gain, legea indarrean sartzen denean debekatuta egongo da migratzaileak biluztea euren adina zehazteko.
Legeak 70 milioi eurorekin hornituta egongo da, Ione Belarra Eskubide Sozial eta Agenda 2030 ministroak iragarri duenez. Belarrarentzat legea "mugarria" da, eta azpimarratu du "mezu argi eta eztabaidaezina" bidaltzen duela: "Demokrazian ez da onargarria haurren kontrako ezein bortxazko ekintza, bere jatorri soziala edo azalaren kolorea gorabehera", azpimarratu du.
Badira berrikuntza gehiago. Hala nola, adingabeen zentroetan ezingo dira haurrak lotzeko gailu mekanikoak erabili. Halakoengatik hil zen Ilias Tahiri adingabea 2019an Almeriako zentro batean, gogorarazi du Belarrak. "Iliasengatik eta haur guztiengatik, hori ez da berriro gertatuko", gaineratu du.
Era berean, Belarrak eskerrak eman dizkio Irene Montero Berdintasun sailburuari legean genero ikuspegia txertatzeagatik eskerrak, eta indarkeria matxistaren alorrean erantsitako hobekuntza batzuk aipatu ditu.
Montero eta Belarra, elkar txalotuz, gaurko saioan. Argazkia: EFE
Besteak beste, GAS sindromea debekatzea eta txartu txar kasuetan aitaren bisitak bertan behera uztearen neurria. "Tratu txar emaile bat ez da inoiz aita ona izango", ohartarazi du Belarrak.
Azkenik, Haurtzaroak Parte Hartzeko Estatu Batzordea sortuko dutela iragarri du ministroak. Horren bitartez, haurrek eta nerabeek euren proposamenak egin ahalko dituzte eurei dagozkien politikak garatu ahal izateko.
Taldeek atzemandako gabeziak
Eztabaidan zehar, Ceutako migrazio-krisia izan dute hizpide, 1.500 migratzaile adingabe inguru heldu baitira, baita israeldarren eta palestinarren arteko gerra-gorakadaren ondorioz Gazan hildako adingabeen "irudi izugarriak" ere.
"Gizatasun falta handia da, gaur haurrak babesteko lege hau onartzen dugun bitartean, Espainiar Estatura nekatuta iristen diren haurrak itzultzen aritzea", esan du Maria Carvalho ERCko diputatuak, Ceutako migrazio krisiaren harira.
Maria Carvalho (ERC) eta Mertxe Aizpurua (EH Bildu) diputatuek azaldu dutenez, legearen beste gabezia bat da adingabeak ardurapean dituzten familien etxegabetzeak ez debekatzea. Horrez gain, legeak adingabeak zezenketetara joatea ez duela debekatzen eta hori "lotsagarria" dela azaldu du ERCko diputatuak.
Aurreko bozketan alderdi abertzaleek ez zioten babesik eman legeari, "norabide zentralizatzailea" zuela uste zutelako, baina Senatutik igaro ostean, bertan "eskumenen inbasioa" zuzentzen duen zuzenketa bat sartu zen, botoaren noranzkoaren aldaketa iragarri eta babesa aurreratu dute.
Zure interesekoa izan daiteke
'Oroimenaren indarra', Martxoaren 3ko sarraskiari buruzko audio eta elkarrizketa bilduma
Martxoaren 3ko sarraskiaren 50. urteurrenean, Radio Vitoriak hamar ataleko dokumentala ondu du, elkarrizketa esklusiboak eta sekula argitaratu gabeko audioak biltzen dituena. Gaur aurkeztu dute proiektua Gasteizko Villa Suso Jauregian, Ismael Diaz de Mendibil eta Pilar Ruiz de Larrea kazetariek aurkeztutako ekitaldi batean. Lehenengo atala bihar emitituko da; aurrena, Radio Vitorian eskainiko da, eta ondoren, Guau plataforman jarriko dute entzungai.
Espainiako Gobernuak dio martxoaren 3ko sarraskiak "Estatuaren errepresio basatitzat" onartu dituela
Gorka Elejabarrieta EH Bilduko senatariaren galderei erantzunez, Angel Victor Torresek esan du memoria historikoaren eta demokratikoaren legeek biktimak barne hartzen dituztela eta Zaramagako eliza 50. urteurrenean oroimen demokratikoaren leku izendatuko dutela.
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.