Lau atxilotu Azpeitian, 300 pertsonatik gorako botiloian
Gaur goizaldean, Ertzaintzak lau pertsona atxilotu ditu Azpeitian, botiloi batean jazo diren istiluetan.
Gauerdi aldera, Etzaintzaren patruilak 300 eta 400 pertsona bitarteko talde bat topatu du Azpeitiko aparkaleku batean, alkohola edaten, musika altua eta bengalak piztuta zituztela. Bertan zeuden pertsonek Ertzaintza ikusi dutenean, harriak, botilak eta bengalak jaurti dizkiete patruilei, Ertzaintzaren iturrien esanetan.
Minutu batzuk geroago, beste patruila batzuk bertaratu dira, erasoak egin dituzten gazteak identifikatzeko eta botiloia desegiteko. Orduan, objektu gehiago jaurti dizkiete eta istiluak sortu dira. Segurtasun Sailaren datuen arabera, 19 urteko mutil bat atxilotu dute bertan, desordena publikoak eta agenteei eraso egin izana egotzita.
Ordu bata eta hogei aldera, 18 urteko mutil bat atxilotu dute Sanjuandegi inguruan, aurreko istiluetan parte hartu duelakoan. Istilu gehiago jazo dira orduan, eta Ertzaintzak beste bi gazte atzeman ditu, 14 eta 15 urtekoak.
Hiru ertzain zauritu dira istiluetan, eta lau atxilotuak aske utzi dituzte, beharrezko eginbideak bukatutakoan.
Elkarretaratzea
Hainbat herritarrek elkarretaratze batean parte hartu dute gaur Azpeitian, 18:30ean, herriko plazan. Ertzaintzaren "jarrera bortitza eta neurrigabea" salatu dute, "Jazarpen polizialik ez! Burgesiaren erasoaldia gelditu!" lelopean.
Azpeitiko EH Bilduk, bere aldetik, elkartasuna adierazi die "atxilotu eta jipoitu" zituztenei, eta "polizia eredua goitik behera" aldatu behar dela adierazi du.
Zure interesekoa izan daiteke
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".