Nafarroak 23:00ak arte luzatuko du ostalaritza barruko ordutegia
Nafarroako Gobernuko Osasun kontseilariak ostiral honetatik aurrera ostalaritzako ordutegia luzatuko duela iragarri du, eta 23:00ak arte lan egin ahal izango dute, lagunarteak, aisialdi elkarteak, bingoak eta joko aretoak bezala.
Nafarroako Gobernua, gainera, kultur arloko edukiera handitzeko lanean ari da, baina datu zehatzak gaur arratsaldean jorratuko dituzte sektorearekin.
Santos Indurainek prentsaurrekoan adierazi duenez, datu epidemiologikoek bilakaera positiboa duten heinean malgutzea da helburua, eta txertaketa kanpaina erritmo onean aurrera doala esan du.
Izan ere, gaur bederatzi egun bete dira Nafarroan covid-19aren ondorioz hildakorik izan gabe, azken orduetako kutsatzeak 50era jaitsi dira, % 2,3ko positibotasun tasarekin, eta ospitaleratutako pertsonak 56ra jaitsi dira, horietatik 12 ZIUetan.
Datu horiek ikusita, Gobernuak ekainaren 4ra arte ezarritako prebentzio neurrien "tarteko berrikuspena" egitea erabaki du.
Horren harira, Nafarroak bere "ibilbide orria" jarraitzen duela azpimarratu du, adierazle sanitario eta epidemiologikoekin, eta, horregatik, beste sektore batzuekin ere lanean ari direla, besteak beste, kirolarekin, neurriak malgutzeko.
Txertaketa
Kontseilariak, gainera, AstraZenecaren lehen dosi bat jaso duten 60 urtetik beherako pertsonek datozen hiru asteetan jasoko duten bigarren dosia aipatu du, eta Phizer eskaini diete, marka berarekin jarraitzeko baimen informatua sinatu ezean.
Bihar, 21.000tik gora lagunek osatutako talde horretako 8.000 bat laguni bidaliko dizkiete mezuak.
Udarako, lehen mailako arretan, non txertaketaren oinarria baitago, kontratuak egin dira txertaketarekin jarraitzeko eta are erritmoa handitzeko, eta ez da aurreikusten osasun-zentroak ixtea, nahiz eta profesionalen atsedenaldirako jarduera berrantolatuko den, adierazi duenez.
Santos Indurainen esanetan, datorren astetik aurrera ia bikoiztu egingo da Phizerren txertoen kopurua, eta covid-19aren aldaeren harira, berriz, brasildarra, hegoafrikarra eta nigeriarra atzeman dituztela azaldu du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.