Euskararen murgiltze ereduaren alde, milaka pertsona Baionako kaleetan
"Euskarak murgiltzea behar du!" lelopean, milaka pertsonak manifestazioa egin dute Baionan, Euskal Konfederazioa osatzen duten euskalgintzako eragileek eta Ipar Euskal Herriko hautetsiek deituta. 10 000 pertsona baino gehiago bildu dira Baionan, azken zenbaketaren arabera.
Frantziako Konstituzio Kontseiluak hizkuntza gutxituak babesteko eta promozionatzeko legea partzialki atzera bota ondotik etorri da deialdia, eta babes zabala jaso du. 16:00etan abiatu da Lauga kiroldegiaren aitzinetik, eta Roland Barthes plazara 18:00ak aldera iritsi da.
Ipar Euskal Herrian murgiltze eredua garatzen duten eskoletako ordezkariak joan dira manifestazioaren buruan, eta atzetik, euskalgintzako gainerako ordezkariak eta hautetsiak. Azken horiek "Euskal irakaskuntza denontzat" goiburua zuen pankarta eraman dute.
Jean-Michel Blanquer Frantziako Hezkuntza ministroaren kontrako oihuak izan dira manifestazioan: "Blanquer kanpora, euskara gelara".
"Kolpea izugarria da. Gure hizkuntzak heriotza segurura kondenatu nahi dituzte", esan du Marie Andree Ouret Biga Baiko bozeramaileak, manifestazioa amaitzeko ekitaldian.
"Europako aniztasuna jokoan dago", adierazi du Andoni Ortuzar EAJko presidenteak protesta abiatu baino lehen. "Irtenbide bat eskatzen dugu, eta lortu behar dugu", erantsi du buruzagi jeltzaleak.
Kike Amonarriz Euskaltzaleen Topaguneko lehendakariaren adierazpena.
Bestalde, Paul Bilbao Euskalgintzaren Kontseiluko idazkari nagusiaren hitzetan, "bidegabekeria tamainakoa da". "Aukera bakarra Konstituzioari buelta ematea da, hizkuntza eskubideak bermatzeko", azpimarratu du.
Kultura, politika eta gizarte alorretako 200 eragilek baino gehiagok sinatu dute gaurko deialdiaren manifestua. Bertan jasotzen denez, "Ipar Euskal Herrian familia bakoitzak bere haurrendako irakaskuntza eredua hautatu beharko luke eta aniztasun linguistiko eta kulturala bizi, euskaraz edo okzitaniera gaskoiz". Murgiltze eredua bermatuz, "gizarte proiektu partekatua, irekia eta sosegatua zaintzen eta sustatzen" dela dio testuak.
Deitzaileen iritzian, "Molac Legearen zentsura partzial horrek euskararen alde hamarnaka urtez eraman den engaiamenduaren erabateko ezeztapena eragiten du, eta Ipar Euskal Herrian murgiltze ereduan diren 5.000 ikasleen familien hautua argiki mespretxatzeaz gain, gure lurraldearekiko eta bere mintzairekiko mespretxua adierazten du ere".
Baionan bakarrik ez, Frantziako Estatuko hainbat eskualdetan egin dira protestak hizkuntza gutxituen alde. 50 mobilizaziotik gora deitu ditu Pour que vivent nos langues kolektiboak.
Horrela, antolatzaileen arabera, Guingampen (Bretainia) 10 000 pertsona inguruk hartu dute parte; Poliziaren ustez, aldiz, 6000 bat pertsonak.
Perpinyàn (Katalunia) 2000 manifestari inguru bildu dira, antolatzaileen arabera. Prefetak, ostera, 450 bat pertsona zenbatu ditu, tartean, Laura Borras Kataluniako Parlamentuaren presidentea.
Colmarren (Alsazia) eta Bastian (Korsika) 200 bat manifestarik protesta egin dute.
Manifestazioa Baionan (Lapurdi). Argazkia: Aitor Sagarzazu | Euskadi Irratia
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.