Egungo erronkei erantzuteko moduko hezkuntza legea aldarrikatu du Ikastolen Elkarteak
Sopelako Ander Deuna ikastolak eta Leioako Betiko ikastolak 43. Ibilaldia antolatu dute, elkarlanean, koronabirusaren krisiak baldintzatutako programazioarekin. Bertan, agintariei egungo erronken neurrira egindako hezkuntza lege berri bat sortzea eskatu die Ikastolen Elkarteak.
Koldo Tellituk, Ikastolen Elkarteko lehendakariak, gaur Sopelan adierazi duenez, Euskal Herriko ikastolen komunitateetako kideek "kosta ahala kosta" babestuko dituzte ikastolak, "murgiltze eredua eta Euskal Herria euskaraz bizitzeko nahia eta eskubidea" aldarrikatuz.
Batetik, Tellituk aipamen berezia egin die Frantziako Konstituzio Kontseiluak hizkuntza gutxituen legeari buruz egindako ebazpenari eta Baionan murgiltze ereduaren alde egindako manifestazioari. Hala, ebazpenak murgiltze eredua eta ikastolak "ataka larrian" jarri dituela salatu du. Gainera, Iparraldean, "Nafarroa osoan" eta Trebiñun euskara ofizial egitea eskatu du Ikastolen Elkarteko lehendakariak.
Ibilaldiaren txioa, irekiera ekitaldiko irudiekin
Beste alde batetik, Euskal Curriculumaz eta "Euskal Herria bere osotasunean landuko duen" hezkuntza sistemaz aritu da Tellitu: "argi geratu zaigu, euskal hezkuntza sistema bat eraikitzeko orduan, elkarlana, lidergo eta aitzindaritza partekatuak behar ditugula".
Euskarari eta euskal hezkuntzari behar duen tokia emateko, buruzagi politikoei neurriak hartzeko eskatu die Tellituk, neurri horiek baliatuta "murgiltze ereduaren ezarpenari, Euskal Curriculumaren garapen eta hedapenari, euskararen erabileraren eta kalitatearen beherakadari edota atzerritar jatorriko ikasleen eskolatzeari" erantzuteko. Bada, aipatutako arazoei irtenbidea topatzeko, "erantzunik eragingarriena hezkuntza lege bat" dela adierazi du ikastolen ordezkariak, "egungo erronkei eta etorkizunean etorriko direnei aurre egiteko gai" izango den legea, hain zuzen ere.
Azkenik, pandemiak baldintzatutako ikasturte honetan, ikastolek Ibilaldia bera eta beste hainbat ekimen aurrera eramatea lortu dutela aipatu du Ikastolen Elkarteko kideak; baina, "ekaitza amaitzear dela dirudien" honetan, euskarazko hezkuntzaren gaiari heltzeko unea dela azaldu du.
Eusko Jaurlaritza, "ikasleen eta zentroen ahalduntzea"ren alde
Jokin Bildarratzek, Eusko Jaurlaritzaren Hezkuntza sailburuak, 43. Ibilaldiko irekiera ekitaldian parte hartu du.
Inaugurazio hitzaldian azaldu duenez, etorkizuneko Hezkuntza Legeak "ikasleen eta zentroen ahalduntzea" bermatu beharko luke.
Gainera, Bildarratzek Ibilaldiko antolakuntzaren lana goraipatu du, pandemiaren segurtasun neurriak errespetatuta egindako programazioarengatik; izan ere, sailburuaren esanetan, egindako lanak agerian utzi du ikastolen eta euskal hezkuntza sistemak "egokitzeko eta aurrera egiteko" duen gaitasuna.
Jokin Bildarratz Hezkuntza sailburua, Ibilaldian. Argazkia: EFE
Zure interesekoa izan daiteke
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Ezkabarteko sutea berpiztu egin da egonkortuta egon ostean
SOS Nafarroak jakinarazi duenez, ez dute oraindik egonkortzea lortu. 17:40 inguruan piztu da, eta haizearen ondorioz, berehala zabaldu da.
Mattin Aiestaran:"Baskoiek, iberiarrek eta Erdi Aroko euskaldunek abar hitza konpartitzen zuten"
Javier Velaza katedradunak eta Mattin Aiestaran adituak Irulegiko indusketetan "abar" hitzaren aurkikuntzaren garrantzia azaldu dute. Hizkuntza iberikoak, baskoiak eta euskaraz zaharrak (Erdi Arokoak) hiztegia konpartitzen zutela ondorioztatu dute.
28 urteko gazte bat itota hil da Arga ibaian, Uharten
Nafarroako Gobernuak jakinarazi duenez, istripuz uretara erori eta Dorraburuko presaren inguruan desagertu da.
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.