DBHko eta Batxilergoko ikasleak abuztu amaieran hasiko dira txertatzen
12 eta 18 urte bitarteko haurren eta gazteen txertaketak badu jada data. Derrigorrezko Bigarren Hezkuntzako (DBH) eta Batxilergoko ikasleen txertaketa abuztu amaierarako du aurreikusita Espainiako Gobernuak.
Pedro Sanchez Espainiako Gobernuko presidenteak gaur iragarri duenez, Sendagaien Europako Agentziak aurreikusitako baimenak emanez gero, datorren ikasturte akademikoa hasi baino bi aste lehenago hasi nahi dute gazteen eta nerabeen txertaketarekin.
Carolina Darias Osasun ministroak aukera hori aurreratu zuen joan den astean, eta gaur, Sanchezek, Moncloan hezkuntza-komunitatearen omenez egindako ekitaldi batean, mezu bera errepikatu du: "Dudarik gabe, gure ikasleen txertaketa urrats erabakigarria izango da, hezkuntzan eta gizartean normaltasuna berreskuratzeko bidean".
Pandemia garai hauetan hezkuntza-komunitateak egin duen erakustaldia ikusita, "Espainia hezkuntzan bikaintasun akademikoa lortzeko gai" dela defendatu du Sanchezek.
Kolektibo horrek ikasturte honetan egin duen ahalegin eskerga eskertu nahi izan du Espainiako presidenteak eta irakasleek ikasgeletan zein ikastetxeetan egin duten lanaz jabetzea ezinbestekoa dela ere gehitu du.
Gainera, Estatu espainiarrean pandemiaren unerik txarrenetan ikasgelak irekita mantentzea balioan jarri nahi izan du. Azaldu duenez, ikasgelen % 99,8 zabalik egon dira pandemiak iraun duen bitartean: "Mende batean bizi izan dugun hondamendia handienaren aurrean hezkuntza sistemak eman duen erantzuna ohorezko matrikula emateo modukoa izan da. Ia mundu osoan eskolak itxita egon direnean, Espainia izan da gelak zabalik mantendu dituen munduko herrialde gutxietako bat".
Azkenik, gobernu autonomikoen eta Hezkuntza Ministerioaren arteko "koordinazio handia" azpimarratu nahi izan du.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.