Gaur hasiko dira epaitzen emakume batek Orkoienen jasandako talde-bortxaketa
Duela bi urte Orkoienen emakume bati egin zioten talde-bortxaketa argitzeko epaiketari ekin diote astelehen honetan Nafarroako Probintzia Auzitegian. Fiskaltzak 50 urtetik gorako zigorrak eskatu ditu akusatuentzat.
Ustezko bost erasotzaileetako hiru espetxean daude, eta beste bi, aske, kautelazko neurriekin.
Erasoa 2019ko azaroaren 29an izan zen, biktimak 23 urte zituela. Sare sozialen bidez egin zuten akusatuek eta emakumeak hitzordua, eta horietako lauk ustez bortxatu egin zuten. Emakumeak Orkoiengo udaletxean kontatu zuen gertatutakoa lehenengo, eta, ondoren, salaketa jarri zuen Foruzaingoaren aurrean.
Fiskaltzak 15na urteko kartzela-zigorra eskatuko du aipatutako lau gizonentzat, sexu-eraso delitua egotzita. Taldeko beste kideek biktima bortxatzen ari zirela ezer ez egiteagatik, hiru sexu-delituren beharrezko laguntzaile izatea leporatzen diete, eta, ondorioz, osotara, bakoitzarentzat 54 urteko espetxe-zigorra eskatuko du.
Bosgarren akusatuarentzat, aldiz, 52 urteko zigorra eskatuko du; izan ere, fiskalaren arabera, honek ez zuen ustez biktima bortxatu, baina 4 sexu-eraso delituren beharrezko laguntzaile izatea egotziko dio.
Ahozko ikustaldirako sei saio aurreikusi dira: ekainaren 21, 22, 23, 24 eta 29an eta uztailaren 1ean egingo dituzte.
Lehenengo egunean, akusatuek deklaratuko dute, eta, Fiskaltzaz eta akusazio partikularraz gain, Nafarroako Gobernuak eta Orkoiengo Udalak ere parte hartuko dute, akusazio publiko gisa.
Zure interesekoa izan daiteke
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.