Hernaniko Udalak baheketa bat eskatu du, baina Osasun Sailak ez du beharrezkotzat jo
Xabier Lertxundik, Hernaniko alkateak, herrian baheketa masibo bat egiteko eskatu dio Osasun Sailari. Covid-19 kasuen gorakada "kezkagarria" (intzidentzia metatua 10 aldiz biderkatu da azken astean) dela eta, neurri bereziak hartuko ditu Udalak.
Pandemiaren bilakaeraren azken datuak jakin ostean, Udalak Osasun Mahaia deitu zuen gaurko, baina Hernaniko osasun zentroko langileak ez dira bertaratu, ez zutelako Osasun Sailaren baimenik. Orain arteko bilera guztietan parte hartu izan dute osasun arloko profesionalek, eta gaurkora joateko baimenik ez izatea "harrigarria" iruditu zaio Xabier Lertxundi alkateari.
Hala, alkateak azpimarratu du Osasun Mahaiak hilabeteak daramatzala lanean, eta herriarentzat "oso baliotsua" izan dela osasun langileen eta udal ordezkarien arteko lankidetza. Osasun Sailarekin harremanetan jartzen saiatu eta lortu ez dutela azaldu du alkateak. Osakidetzako langilerik gabe aurrera egitea erabaki du Udalak, eta Osasun Mahaian hainbat erabaki hartu dituzte, "informazio zientifikorik gabe" bada ere.
Osasun Sailak herriko egoerari buruzko datu zehatzik eman ez diela azpimarratuta, Lertxundik Udalak hartuko dituen neurriak azaldu ditu: Eraikin publikoetan edukiera murriztuko dute eta udal zerbitzuetan (ikastaroak, tailerrak…) aritzen diren profesionalei antigeno testak egiteko aukera emango diete.
Udal ordezkariaren hitzetan, fokua zein izan den argitze aldera, beharrezkoa da baheketa masiboa. Osasun Sailari eskaera egin ostean, Lertxundik iragarri du udal eraikinak prest egongo direla eta "bitarteko guztiak" jarriko dituztela.
Bestalde, Eusko Jaurlaritzako Osasun Sailetik azaldu dutenez, oraingoz ez dute beharrezkotzat jotzen baheketa egitea, balizko positiboak identifikatuta dituztelako Osakidetzako aztarnariek.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.