Amatasun eta aitatasun baimenak 6 hilabetera luzatzea proposatu du Belarrak
Espainiako Eskubide Sozialen ministro Ione Belarrak iragarri duenez, Berdintasun Ministerioarekin batera lanean ari da amatasun eta aitatasun bamena 4 hilabetetik 6ra luzatzeko. Era berean, haurrak hazten laguntzeko prestazio unibertsala martxan jartzea proposatu du.
"Ministerio honek, Berdintasun Ministerioarekin batera, gurasotasunagatiko baimenak sei hilabetera luzatzeko eta 0 eta 3 urteko haur-hezkuntza eskolen sare publikoetan zabaltzeko lan egingo du", esan du Belarrak Familia Aniztasun eta Familien Babesaren legeari buruzko jardunaldian; lege hori urtearen amaieran prest egotea espero du Espainiako Gobernuak.
Lege berriaren zenbait gako aurreratu ditu Eskubide Sozialen ministroak, hala nola hazkuntzako prestazio baten izaera unibertsala, gurasoen kotizazioen araberakoa izango ez dena eta beste prestazio batzuekin bateragarria izango dena. Era berean, seme-alabak bakarrik hazten dituzten amek amatasun-baimena eta "beste gurasoarena" hartzeko aukera izatea proposatzen du neurriak.
Belarrarentzat, legeak "familia inklusiboaren definizioa" jaso behar du, aniztasuna aitortuko duena, "familia guztiak legitimoak ez ezik, eskubideetan berdinak ere izan daitezen". Halaber, azaldu du, "LGTBI familiak, familia harreragileak, erditze anizkoitzak eta indarkeriatik irteten direnak babesteko mekanismoak garatu behar" direla.
Parte-hartze prozesua
Ministerioak 250 ekarpen baino gehiago jaso ditu gizarte zibilarekin egindako partaidetza-prozesu batean. Prozesu hori testu arauemailea egiteko fasean ireki da, eta Europako berreskuratze-planaren parte da.
Bartzelonako Unibertsitateko Soziologiako irakasle titular eta GSADI (Soziologia Analitikoko eta Diseinu Instituzionaleko Taldea) taldeko zuzendari Jose Antonio Nogueraren ustez, "albiste bikaina da seme-alabak hazteagatik ematen den prestazio unibertsala", herrialde askok adingabeak dituzten familientzat dutenaren antzekoa.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.