16 eta 17 urteko nafarrek hartu dezakete dagoeneko txertatzeko hitzordua
Nafarroako Gobernuko Osasun Sailak covid-19 txertoaren aurkako hitzordua eskatzeko aukera zabaldu die 16 eta 17 urte bitarteko pertsonei eta, gaurtik, hitzordua eskatu ahal izango dute.
Nafarroan 14.000 pertsona inguru daude adin-tarte horretan eta horiei txanda eskatzeko aukera eman ahal izan zaie, batetik, abuztuan uste baino txerto gehiago iritsiko direlako, eta bestetik, beste adin tarteetako txertaketan aurrea egin delako, batez ere, 60 eta 67 urte bitartekoen txertaketan; horietako gehienei hila amaitzerako emango zaie bigarren dosia.
Horrela, gazteen immunizazioan jarriko dira indarrak, intzidentziak biztanleria horri bereziki eragiten dion une honetan: uztailetik hona, kutsatutako hirutik bi (ia 8.700 positiboetatik 5.700 inguru, hau da, % 65,5) 15 eta 29 urte bitarteko adin-tartean daude.
Egoera horrek berak eraginda, pertsona horiek atzeratu egin behar dute txertoa hartzeko txanda; izan ere, gaixotasuna hartzen duten 65 urtetik beherako pertsonek sei hilabete itxaron behar dute dosia jaso baino lehen, eta horrek populazio-talde berrientzako txanda hutsak egotea ahalbidetzen du.
Gaur egun, 18 eta 29 urte bitarteko pertsonen % 56k jaso du txertoa edo datozen egunetan jasotzeko hitzordua dute. Nolanahi ere, Osasun Sailak lanean jarraitzen du txertaketa areagotzeko adin-talde honetan eta beste batzuetan.
Hala, joan den ostiralean SMS bat bidali zitzaien oraindik hitzordurik eskatu ez zuten 18 eta 29 urte bitarteko pertsonei. Era berean, gogorarazi diete 18 urtetik gorako pertsona guztiek, oraindik txertoa jartzeko Osasun Sailarekin harremanetan jarri ez direnek, hitzordua hartzeko aukera dutela, online eta telefonoz.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.