Ehunka lagunek elkarretaratze isila egin dute Lemoan gazte batek jasandako jipoia salatzeko
Berrehun bat pertsonak elkarretaratzea egin dute gaur arratsaldean Lemoako (Bizkaia) udaletxearen aurrean, igande goizaldean herri horretako mutil batek Zornotzan jasandako eraso bortitza salatzeko. Gaztea egoera kritikoan dago Gurutzetako Ospitalean.
Lemoako Udalak deituta, elkarretaratzea isila egin dute, 15 minutuz, gaztearen ezagunak eta lagunak bertan zirela.
Ekitaldiaren amaieran, Lemoako Udaleko ordezkariek agiri bat irakurri dute, eta, bertan, erasoa jasan duen bizilagunaren senideei eta gertukoei elkartasuna adierazi ostean, "jarrera eta jokabide horien aurkako gaitzespenik sakonena" adierazi dute.
Bertan esan dutenez, "horrelako ekintzek ez dute lekurik izan behar ez Lemoan ezta beste inon ere", eta "gorroto diskurtsoek lekurik ez duten Lemoa bat eraikitzen jarraitzeko konpromisoa" berretsi du Udalak.
Hainbat atxilotu erasoarekin lotuta
Ustezko zortzi erasotzaileak, 15 eta 38 urte bitartekoak, Erandion, Bilbon eta Barakaldon atxilotu dituzte, eta Koala Anaiak izeneko gazte talde bortitz eta gatazkatsu bateko kideak dira. Talde horrek aurrekari ugari ditu Bizkaian antzeko erasoak egiteagatik.
Asteburuan Zornotzan gazte bati egindako eraso basatian parte hartzeagatik atxilotutako bost adingabeetatik lau hainbat zentrotan sartu dituzte, eta bosgarrena zaintzapeko askatasunean geratu da, karguekin, EITB Mediak jakin duenez.
Atxilotuetako lau adingabeentzako zentro ezberdinetan sartu dituzte, euren artean harremanik ez izateko. Bestalde, beste hiru atxilotuak, adin nagusikoak hirurak, epailearen esku jartzeko zain daude.
Zure interesekoa izan daiteke
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio jaialdiagatik eta Iberdrolaren urteurrenagatik
Murrizketarik handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitira.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.
Baskoniak eta bere zaleek botako dute Gasteizko jaietako txupinazoa
Aurten irabazitako Errege Kopako tituluagatik eta "Baskoniak eta bere zaletuek ordezkatzen duten guztiagatik" hiriak aitortza egingo dio.
8 urtez azpiko haurrek ezingo dute adingabeentzako zezenketetan parte hartu
Zezen-jaietan haurren parte-hartzea erregulatzeko EAJk eta PSEk bultzatutako lege proposamenak PPren aldeko botoa jaso du; EH Bildu abstenitu egin da, gutxieneko adinak 12 urtekoa izan beharko lukeela uste baitu. Araudia osoko bilkuran onartu beharko da, eta zenbait berritasun jasotzen ditu, hala nola abelburuen gutxieneko adina, eta gurasoen baimenen beharra kentzea.