Osasun Sailak oraindik libre dauden 57.000 hitzorduak betetzera deitu ditu gazteak
Jose Luis Quintas Osasun sailburuordeak eta Koldo Iñaki Cambra Osasun Publikoko zuzendariordeak oraindik libre dauden 57.000 hitzorduak betetzera deitu dituzte gazteak. Horrekin batera, Osasun sailburuordeak Euskadiko kutsakortasun tasa progresiboki beherantz doala azaldu du.
Gotzone Sagardui Osasun sailburuak aurreratu zuen moduan, oraindik asko dira irailaren 6ra arte libre dauden hitzorduak. Hala ere, Jose Luis Quintasek azaldu duenez, orain gehiago dira libre dauden zitak, Sagarduik aipatu zituen 22.000 hitzorduekin konparatuta: "57.000 hitzordu libre daude, hain zuzen ere. Arren eskatzen diegu gazteei txertatzeko, ez bakarrik beraien onurarako, baizik eta beraien inguruko jendearen onurarako ere".
Hala ere, Koldo Cambriak zehaztu nahi izan du hitzordu libreen gorakada ez dela orain gazteek uko egiten diotelako txertoari: "Egia da hitzordu libre gehiago dagoela, baina eskaintza handitu eta txertatzeko epea luzatu ere egin da. Argi dagoena da adin-tarte horretan arriskuaren pertzepzioa baxuagoa dela, eta horrek txertatzeari lehentasuna kentzea eragiten du udako planak ez aldatzeko". Horregatik, Jaurlaritzak ikasturte hasierarako "ahalik eta ikasle gehien txertatuta" egotea du helburu.
Horrekin batera, Quintasek Euskadiko kutsakortasun tasa progresiboki beherantz doala gaineratu du. Izan ere, egindako 7.500 proben artean, 687 bakarrik positibo suertatu direla azaltzen dute asteleheneko datuek.
Egoitzetako langileak
Egoitzetako langileak txertatzera behartzearen inguruko polemikak kezkatzen ez diola azaldu du Osasun sailburuordeak, Euskadin txertoa jaso ez duten langileen kopurua oso baxua baita: "Txertoa jasotzearen derrigortasuna Euskadiko testuinguruan jarri behar dugu. Gure kasuan, ez dugu horren beharrik".
Gainera, Jose Luis Quintasek gogora ekarri du ezinezkoa dela derrigorrezkotasun hori inposatzea, Jaurlaritzak "tresna juridikorik" ez duelako. Hala ere, ELA sindikatuaren eta dependentzia sektoreko espainiar patronalaren ustez, botere publikoek "ez dute aldatu nahi" txertaketaren beharrezkotasuna, eta txertaketa legez arautzea eskatu dute egoitzetako langileen txertaketa aurrera eramateko.
Haurdunak
Haurdun dauden emakumeei dagokionez, datuak ez dira kezkagarriak txertaketaren inguruan. Orain arte, Euskadin 2.380 emakumek txertoa jaso dute, eta 1.300 pertsona inguru bakarrik falta dira.
Hala ere, Jose Luis Quintasek berak zehaztu duenez, ZIUetan dauden gaixo larrien kopurua hazi egin da, 66tik 69ra igarota. Horien artean, bi haurdun dauden emakumeak dira (joan den astea baino bat gehiago).
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.