Bi hildako, ZIUetan ospitaleratze bat eta 137ra jaitsi dira positiboak Nafarroan
Bi pertsona hil dira ostegun honetan Nafarroan, eta lau pertsona ospitaleratu dituzte, bat zainketa intentsiboetako unitatean, baina positiboek behera egiten jarraitzen dute, 137 kasu atzeman baitituzte.
Jaitsiera hori nabarmenagoa da duela astebeteko datuekin alderatuta (77 gutxiago) eta are nabarmenagoa abuztuaren 6ko datuekin erkatuta (135 gutxiago).
Ostegun honetan, 1.457 proba egin dituzte, eta positibotasun tasa % 9,4koa da. Foru Erkidegoan 79.637 pertsona kutsatu dira orain arte.
Azken 14 egunetako intzidentzia-tasa metatuak ere beherantz egiten jarraitzen du, 100.000 biztanleko 408 kasukoa baita, Osasun Ministerioak emandako datuen arabera.
Datuak udalerriz udalerri eta osasun eremuka aztertuta, Iruñeko II. Zabalgunean hautemandako zortzi kasuak edo Arrotxapea auzoko zazpiak dira nabarmentzekoak. Horrez gain, Uharte eta Tutera udalerrietan eta Iruñeko Donibane auzoan seina zenbatu dituzte.
Gainera, Nafarroako Gobernuak jakinarazi du hildako bi pertsona hil direla koronabirusaren ondorioz; dagoeneko 1.212 dira hildakoak. Ospitaleratzeei dagokienez, 97 pertsona ospitaleratu dituzte, horietatik 26 zainketa intentsiboetako unitateetan.
Txertaketari dagokionez, 3.742 dosi eman ondoren, 887.622 pertsonak dute dosi bat behintzat, eta 442.031k dute pauta osoa.
Zure interesekoa izan daiteke
Lekukoen deklarazioen txanda Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Bi errei itxi dituzte AP-68 autobidean, Zuia parean, Gasteizko noranzkoan kamioi batek istripua izan ondoren
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.