Aske utzi dituzte igandean Donostian atxilotutako 10 pertsonak
Igande goizaldean, Donostian, Ertzaintza jende pilaketak desegiten saiatzen ari zenean sortutako istiluetan atxilotutako hamar gazteak, horietako bat adingabea, aske utzi dituzte arratsaldean epailearen aurrean deklaratu ostean, Segurtasun Sailak jakitera eman duenez.
Istiluak Parte Zaharrean eta Donostiako erdigunean gertatu ziren. Eusko Jaurlaritzako Segurtasun Sailaren arabera, igande goizaldeko hirurak hogei gutxi aldera hasi ziren, zalapartariek, aurreko egunetan bezala, covid-19aren aurrean osasun-araudia betetzen zela kontrolatzen zuten agenteen aurka objektu sendoak jaurti zituztenean.
Gainera, edukiontziak gurutzatu eta horietako batzuk erre zituzten hiriguneko kale nagusietan, hala nola Hernani kalean, Andiarekin bat egiten duen tokian, eta Hondarribia kalean. Istiluetan, hiru ertzain arin zauritu ziren.
San Martin inguruko saltokietako hainbat erakusleiho ere apurtu zituzten, eta jasandako kalteak salatu dituzte Donostiako San Martin azoka inguruko dendariek. Erakusleihoak hautsita eta lapurretak aurkitu dituzte, eta horiek ahalik eta azkarren konpontzen eta berritzen saiatzen ari dira, ohiko erritmoa berreskuratu ahal izateko edo, kasuren batean, berriro ireki ahal izateko.
Agenteek istiluen aurkako materiala erabili zuten eta hamar lagun atxilotu zituzten. Atxilotuetako bat adingabea da, 17 urtekoa, eta gurasoen esku utzi zuten, epaileak noiz deituko zain. Beste bederatziek 18 eta 22 urte bitartean dituzte, eta epailearen esku utzi dituzte jada.
Azken egunetako istiluak Donostiako Aste Nagusia ospatu behar zen egunetan gertatu dira.
Alderdi politikoek eta dendariek istiluak gaitzetsi dituzte
Bestalde, Gipuzkoako merkatarien federazioak istiluak gaitzetsi ditu eta neurriak hartzeko eskatu die erakundeei, "horrelakorik berriro gerta ez dadin".
Halaber, kaltetutako merkatariei babesa eskaini die kalteei aurre egiteko izapideak betetzen laguntzeko.
Donostiako udaletxeko talde politiko guztiak agertu dira ekintza bandalikoen aurka, baina EH Bilduk ez du sinatu gainerako alderdiek adostutako adierazpen instituzionala.
EAJk, PSE-EEk, PPk eta Elkarrekin Donostiak "irmotasunez" gaitzetsi dituzte istiluak, justifikaziorik gabekoak eta herritar guztien ongizatearen kontrakoak direla azpimarratuta.
Ildo berean, elkartasuna eta babesa adierazi diete kaltetutako dendetako merkatariei eta langileei, baita udaltzainei eta ertzainei ere.
EH Bilduk, berriz, adierazpen propioa kaleratu du, azken egunetan Donostian izan diren ekintza bandalikoak arbuiatuz eta kaltetutako pertsonei eta merkatariei elkartasuna adieraziz.
Bestalde, Radio Euskadin egindako elkarrizketa batean, Josu Erkoreka Segurtasun sailburuak zehaztu duenez, azken egunetan, guztira 40 pertsona atxilotu dituzte Donostian, eta beste 60 baino gehiago ikerketapean daude.
Horrez gain, Erkorekak jakinarazi du atxilotuen % 60k aurrekariak dituztela delituak egiteagatik edo pandemiaren aurkako araudia urratzeagatik.
"Ez dago bestelako aurrekaririk. Ezin dugu esan arrazoi sozial edo politikoekin planifikatutako ekintzak direla. Orain gertatzen ari dena ez dago 'kale borrokarekin' lotuta", argitu du.
Albiste gehiago gizartea
Errioxan piztutako baso-sute bat Arabara iritsi da
Errioxako Gimileo herrian piztu da sua, baina Araban sartu da makaldi batetik. Hori dela eta, Guardiako suhiltzaileak bertaratu dira, sua itzaltzeko lanetan laguntzeko.
Dozena bat baso-sute baino gehiago Espainia kiskaltzen ari dira, eta gutxienez bi hildako utzi dituzte
Sute gehienak Gaztela eta Leonen (5.000 pertsona baino gehiago daude etxetik kanpo) eta Ourensen (Galizia) piztu dira, baina Tres Cantosen (Madril), Navalmoralejon (Toledo) eta Tarifan (Cadiz) ere sute handiak izan dira.
Elkarretaratze jendetsua egin dute Pobesen Viloriako hilketa salatzeko
Kartzelara bidali du epaileak Vilorian 34 urteko gizon bat hiltzeagatik atxilotutako gaztea. Erriberagoitiko udalak ezarritako hiru dolu-egunetako lehena da gaurkoa, eta gaur iluntzean elkarretaratzea egin dute herritarrek.
Ezkaba mendiaren magalean aurkitu dute joan den ostiralean Atarrabian desagertutako 70 urteko gizonaren gorpua
Gorpua toki malkartsu batean dagoenez, erreskate helikopteroa beharko da gorpua bertatik ateratzeko, ondoren autopsia egiteko.
Dozenaka pertsonak Urumea ibaia garbitu dute "altxorraren bila" berezi batean
Aste Nagusiko egitaraua zabala da eta hiriko txoko guztietara zabaltzen da. Gaur, Loiola auzoan, 40 pertsona sartu dira urumea ibaian 15 kanoatan, "altxorraren bila" original batean parte hartzeko. Helburua ibaia garbitzea zen, eta parte-hartzaileek mota guztietako hondakinak aurkitu dituzte.
Fuenmayorreko kanpalekuan oporretan zegoen 7 urteko ume bizkaitar bat hil da
Errioxako Gobernuak ez du heriotzaren zergatiaren berri eman, baina baztertu egin du bero-kolpe batengatik edo istripu batengatik izan denik. Haurra Sestao River futbol taldeko jokalaria zen.
Nojan agertu den alga asiarra Kantauri itsasoko gainerako lekuetara zabal daitekeela ohartarazi du Kantabriak
Kantabriako Gobernuak joan den ostiralean ekin zion Nojako hondartzak estali dituzten alga horiek biltzeari. Lehenengo hiru egunetan 1.620 tona erretiratu ziren eta udalaren lursail batean utzi zituzten, tratatu eta konpost bihurtzeko.
Gizon bat atxilotu dute Donostian barbakoa batean sartu eta bertan zegoen pertsona bati bularrean labankada bat emateagatik
Gertakaria astelehen arratsaldeko zortziak aldera izan zen, Gipuzkoako hiriburuko Bidebieta auzoan.
Muturreko tenperaturei aurre egiteko aholku sorta
Azken egunetan pilatutako beroak eta aste amaierara arte aurreikusitakoak, nahitaez prebentzio-neurriak areagotzea eskatzen duela ohartarazi du Eusko Jaurlaritzak, eta horretarako gomendio batzuk argitaratu ditu.
Zarrakazteluko suteak 220 hektarea erre ditu, Nafarroako Gobernuaren arabera
Gaur sutea itzaltzeko lanekin aurrera jarraitu dute. Egoera "hobera egiten ari da", eta suak inguratuta eta egonkortuta jarraitzen du. Arratsalderako iragarpen meteorologikoa bete da, 18:30etatik haize ufada bortitzak izan baitira, eta horrek sua berpiztea eragin du, baina "arazorik gabe kontrolatu dute".