Azken astean 25 pertsona hil dira covid-19aren ondorioz Euskadin
Covid-19aren ondorioz 25 pertsona hil dira Euskadin abuztuaren 16tik 22ra bitarteko astean, gainera, 643 positibo berri atzeman dituzte asteartean Euskal Autonomia Erkidegoan, bezperan baino 138 gehiago; horrela, positibo tasa %9,4koa izan da. 100.000 biztanleko 14 eguneko intzidentzia tasa metatua 412,05 kasura jaitsi da eta 78 gaixo ZIUn ospitaleratuta daude, bezperan baino bat gutxiago, Eusko Jaurlaritzako Osasun Sailak asteazken honetan jakinarazi duenez.
Positiboei dagokionez, 6.869 test diagnostiko egin dira asteartean Araban, Bizkaian eta Gipuzkoan (4.766 PCR eta 2.103 test antigeno), eta horien guztien artetik 643 kutsatze berri aurkitu: 105 Araban, 321 Bizkaian, 201 Gipuzkoan eta 16 EAEtik kanpo bizi diren pertsonetan.
Halaber, 100.000 biztanleko 14 eguneko intzidentzia tasa metatua 412,05 kasukoa da erkidego osoan, bezperan baino 14,64 gutxiago, eta lurraldeka, 475,76koa da Araban, 415,82koa Bizkaian eta 346,45ekoa Gipuzkoan.
Adin tarteka, 0-9 urteko taldean 81 kasu berri izan dira azken egunean eta intzidentzia metatua 417,48 kasukoa da; 10-19 urtekoenean 111 (835,14), 20-29 urtekoenean 110 (1.061,71), 30-39 urtekoenean 86 (423,58), 40-49 urtekoenean 72 (289,94), 50-59 urtekoenean 83 (284,47), 60-69 urtekoenean 34 (177,05), 70-79 urtekoenean 29 (157,41), 80-89 urtekoenean 28 (228,28) eta 90 urtetik gorakoen artean zortzi (476,19).
Ospitaleen egoera
Ospitaleen egoera dela eta, koronabirusaren ondorioz 39 pertsona ospitaleratu dituzte atzo, eta, guztira, 238 lagun daude ospitaleetan, aurreko egunean baino 6 gutxiago. Gainera, gaitza duten 78 pertsona zainketa intentsiboen unitatean (ZIU) daude, bezperan baino bat gutxiago.
Hiriburuetako egoerari dagokionez, Gasteizen 86 kutsatze berri aurkitu dira eta intzidentzia metatua 513,93 kasukoa da; Bilboko intzidentzia metatua 407,24 kasukoa da, 80 positibo berri izan ondoren, eta Donostiakoa 325,67koa, 39 kutsatze berri aurkitu ostean.
Azkenik, 5.000 biztanletik gorako udalerrien artean, Arabako Amurrio eta Bizkaiko Berango, Bermeo, Derio, Gernika-Lumo, Getxo, Gorliz, Güeñes, Leioa, Lekeitio, Mungia, Ondarroa, Santurtzi, Sestao eta Sopela eremu gorrian daude, intzidentzia metatua 400 kasutik gorakoa delako. Gipuzkoan, egoera berean daude Aretxabaleta, Deba, Irun, Lazkao, Legazpi, Mutriku, Oiartzun, Pasaia, Urnieta eta Usurbil.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.