Osasun larrialdia eta LABI, noiztik egon dira martxan eta nolako eragina izan dute herritarren egunerokoan?
Iñigo Urkullu lehendakariak (bigarren) osasun larrialdi egoera bertan behera utzi du astearte honetan (urriak 5), baina zer da, noiztik egon da indarrean eta zer nolako eragina izan du Arabako, Bizkaiko eta Gipuzkoako jendartean? Larrialdi egoera horrek ahalbidetu zuen, esaterako, azken urtean hain ezagun egin den LABI, EAEko Babes Zibileko Planaren Aholku Batzordearen sorrera.
Larrialdiak Kudeatzeko Euskal Legearen arabera, osasun larrialdia deklaratzean, lehendakariak eremu jakin batzuetarako sarbidea mugatu dezake eta zerbitzu publiko eta pribatuen erabilera edo ondasunen kontsumoa mugatu edo baldintzatu.
Bigarren osasun larrialdi egoera 2020ko abuztuaren 17an ezarri zuen Eusko Jaurlaritzak, behin Euskal Herriko Agintaritzaren Aldizkarian (EHAA) hiru arau argitaratuta.
Lehenengoan, Osasun sailburuak Euskadiko Babes Zibileko Plana (LABI) aktibatzeko eskatzen zion Segurtasun sailburuari; bigarrenean, Segurtasun sailburuak formalki aktibatzen zuen Euskadiko Babez Zibileko Plana, eta hirugarrenean, berriz, lehendakariak aipaturiko planaren zuzendaritza bereganatzen zuela jasotzen zen.
Lehendakariak 2020ko abuztuaren 17 hartan bere gain hartu zuen "aginte bakarrak" ahalbidetu dio, besteak beste, Espainiako Osasun Ministerioak eta autonomia erkidegoek 13 hilabete hauetan adostutako neurriez gain, beste batzuk hartu ahal izatea.
LABI batzordeak hainbat neurri murriztaile hartu ditu hilabete hauetan guztietan, tartean, intzidentzia altuko udalerriak ixtea (itxiera perimetrala), etxeratzeko agindua ezartzea, pertsonen arteko bilerak mugatzea, kultura eta kirol ikuskizunetako eta ostalaritzako edukierak murriztea edota horien itxiera ordutegiak aurreratzea.
Lehendabiziko osasun larrialdi egoera
Aurrez, pandemiari aurre egiteko tresna juridiko hori bera erabili zuen Eusko Jaurlaritzak 2020ko martxoaren 13an. Orduko hartan, ordea, osasun alerta edo larrialdi aitorpenak iraupen laburragoa izan zuen. Hain zuzen ere, 2020ko maiatzaren 18an bertan behera utzi behar izan zuen uztailaren 12an egin ziren Eusko Legebiltzarrerako hauteskundeak deitu ahal izateko
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.