Cumbre Viejako sumendiaren hegoaldeko koladak kezka piztu du laba masa handia daramalako
La Palmako Cumbre Vieja sumendiaren hegoaldean kokatutako kolada, nagusitik gertuen dagoena, da adituak gehien kezkatzen dituena, laba kantitate handia baitarama.
Horixe agertzen da Espainiako Segurtasun Nazionalaren Departamentuak kaleratu duen azken txostenean. Kanarietako Gobernuaren eta Espainiako Geografia Institutuko datuak jasotzen ditu, eta bertan aipatzen da atzo arratsaldean iparraldeko alpea eraitsi zela, eta horren ondorioz kolada gehiago eta haitz handiak atera direla.
Bestalde, kolada berrien eraginez laba Camino de la Gata industrigunera iritsi da eta eraikin eta lur eremu gehiago suntsitu dira. Gaur gaurkoz, 500 hektarea dira labak kaltetutakoak.
Hiru solairuko eraikinen tamainako haitzak
Larunbat arratsaldean sumendiaren iparraldeko alpea eraitsi ondoren laba ibai berri bat askatu zen eta gainean hiru solairuko eraikinen tamainako haitzak daramatza.
Bestalde, Kanarietako Sumendiak elkarteak, geologoek eta sumendi zaleek osatutako kolektiboak, ohartarazi du leherketak izan direla gaur goizaldean sumendian, "ozen" entzun direnak, eta "zoruak, ibilgailuek eta kristalek" dar-dar egitea eragin dutela sei kilometroko erradioan.
Bien bitartean, airearen kalitateak hobera egin du eta horrela jarraitzea espero da, baina lurrikarek aurrera jarraitzen dute, 3ko indarraren azpitik.
Sumendi iraunkorra izango da
Eduardo Martinez de Pison Madrilgo Unibertsitate Autonomoko Geografia katedradunak Efe albiste-agentziari adierazi dionez, sumendiaren potentzia ikusita, litekeena da erupzioa iraunkorra izatea.
Hala eta guztiz ere, gogorarazi du ez dagoela ez metodorik ez nahikoa ezagutzarik erupzioak zenbat iraungo duen jakiteko. Azaldu duenez, sumendiaren laba iturria "oso oparoa" da, hau da, emari handiko leku batetik ari da elikatzen, eta laba oso arina da, geroz eta oinarrizkoagoa.
Bere esanetan, 1730tik 1736ra iraun zuen Lanzaroteko erupzioa salbu, Kanarietan izandako gainerakoak laburrak izan dira.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.