Cumbre Viejako sumendiak oso aktibo jarraitzen du erupzioan sartu zenetik hiru aste bete direnean
La Palmako Cumbre Vieja sumendia erupzioan sartu zenetik hiru aste bete direnean, larrialdi zerbitzuak iparraldeko koladari so jarraitzen dute, lehen egunetan salbu geratu ziren eremuak suntsi ditzakeelako. Labak dagoeneko 525,77 hektareako azalera hartu du, aurreko egunean baino 33,02 gehiago.
Sumendiaren aktibitateak koladak handitu ditu iparralderantz, eta lehen koladak eraginik izan ez zuen Todoque herriko zonaldeetara gerturatzen ari da.
Horrela, gaur egun, iparraldeko laba ibaiak bi adar ditu: hegoaldekoa, aurreneko koladarekin bat egin duena eta laba masa handi bat garraiatzen duena, eta iparraldekoa, Los Llanos de Aridane herriko industrialdearen parean dagoena. Azken horri bereziki adi daude, ibilbidea alda dezakeela uste baitute. Hain zuzen ere, inguru horretan gogorra izan da gaua herritarrentzat, kolada nondik abiatuko den ez jakiteak ziurgabetasuna handitzeaz gainera, leherketak etengabeak baitira.
Erupzioa hasi eta hiru astera, kraterraren emisio-zentroek aktibo jarraitzen dute. Atzo sumendiaren konoan izandako erorketei dagokienez, Institutu Geografiko Nazionalak adierazi du ez dela espero laba isurketa berriek lurrazalean egiten ari diren ibilbidea aldatzea.
Copernicus zerbitzu europarraren arabera, 1.281 eraikin eta 132 laborantza hektarea kaltetu dira orain arte.
Errauts zutabeak 3.500 metroko altuera hartu zuen atzo. Azken orduotan eguraldiak hobera egin badu ere, astelehen honetan haizea mendebaldera egitea espero da, 2.500 eta 5.500 metro bitartean, eta horrek errauts poltsa desplaza dezake, eragin zuzena sortuz La Palmako aireportuan.
Sufre dioxidoaren (SO2) emisioak balio altuak izaten jarraitzen du, erupzio-prozesuaren ondorioz, baina airearen kalitatea baimendutako gehieneko atalaseetatik urrun daude.
Bestalde, laba itsasora iristean sortzen hasi zen delta labiko edo fajanari dagokionez, azalera zabaltzen eta itsasoan aurrera egiten jarraitzen du. Azken neurketen arabera, 34 hektareako azalera du sortu den lur-muturrak.
Sismikotasun handia
Sismikotasun handia da oraindik. Sakonera ertainean (10-15 km) eta sakonean (20 km baino gehiago) ari dira gertatzen mugimendu gehienak. Gaur egungo sismikotasun-mailaren ondorioz, dardara sentiberagoak izango dira, eta horiek malda-eremuetan lur-jauziak eragin ditzakete, aurreikuspenen arabera.
Gaur gauean, lurrikara handiena Kanarietan 22:46 zirenean gertatu da, Villa de Mazonen, 4,3ko indarra izan du, baina fokua oso sakon izan du, 39 kilometrora, eta, beraz, ez da lurrazalean sentitu.
Dardara horren ostean, beste 40 lurrikara izan dira La Palman, baina bakarra sentitu dute gainazalean: 07:26an gertatu da. Ritcher eskalan 3,3 graduko lurrikara izan du, eta fokua 13 kilometroko sakoneran izan du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.