Sumendiaren erupzioak eragindako ebakuazioak 5.000 pertsonari baino gehiagori eragin die La Palman
Seismologian "multzo sismiko" gisa definitzen den fenomenoa hasi eta zortzi egunera, 25.000 lurrikararen ostean, 15:10 aldera (Kanarietako ordua) esnatu egin da Cumbre Vieja sumendia, Kanarietako La Palma irlan, El Paso udalerrian, La Palmako Kabildoak jakitera eman duenez.
Irailaren 11n hasi ziren lurrikarak 20 kilometroko sakoneran baina pixkanaka, lurrazaleraino igo dira. Sumendien arriskuarengatik ezartzen den eskalan, semaforo horian zegoen astelehenetik uhartea.
15:10ean sumendia lehen laba eta errautsak botatzen hasi da 400 metroko altueratik, urrundik ikusteko moduan, eta berehala indarra hartzen hasi da isurketa. Beste hainbat pitzadura ireki dira eta une honetan zazpi zulotatik ari da laba botatzen, indar handiz.
BIDEOA: La Palmako bizilagunak
Inguru horretan ez da inor bizi, baina, "badaezpada", mugikortasun murriztua duten 50 pertsona ebakuatuko dituzte El Paso, Los Llanos de Aridane, Villa de Mazo eta Fuencaliente herrietatik. Behin laba mendian behera abiatu denean, El Paso herriko Paraiso auzoa hustu dute eta Montaña Rajada asentamenduko 300 lagun ere etxeetatik atera dituzte. Alkateak esan duenez, laba jaisten joan ahala ikusiko dute ze norabide hartzen duen baina denbora emango omen die jendea etxeetatik ateratzeko. Arriskua herriguneetara zein errepideetara irits zitekeela eta, ebakuazioak gertuko bost udalerrietako 5.000 pertsonari baino gehiagori eragin die dagoeneko.
Egoera horren aurrean, Kanarietako Gobernuak Larrialdietarako Unitate Militarraren esku-hartzea eskatu du.
Uharteko hainbat errepide itxi dituzte. Espainiako aire bidezko nabigaziorako kudeatzaileak La Palmara hegaldirik ez bideratzeko eskatu badu ere hasieran, une honetan irekita dago aireportua. Hala ere, errautsei so adi dira agintariak, aire bidezko garraioa oztopatu baitezakete.
Laba errekak El Pasoko mendi magalean behera isurtzen ari dira, eta ibilbide erdian 0,7 km/h abiadura dute.
Pedro Sanchez Espainiako Gobernuko presidentea Kanariar Uharteetara iritsi da iluntzean, eta atzeratu egin du AEBra egitekoa zuen bidaia, Nazio Batuen Erakundeak New Yorken duen Batzar Nagusira joateko.
BIDEOA: Erupzioaren hasiera
Zure interesekoa izan daiteke
ELA, LAB eta Steilas kalera aterako dira Bilbon euskararen eskakizunaren alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.