Kontsumitu ez duten janaria etxera eramateko aukera eskaini beharko zaie bezeroei tabernetan eta jatetxeetan
Espainiako Gobernuaren Ministroen Kontseiluak elikagaiak alferrik galtzea eta xahutzea ekiditeko lege-proiektua onartu du. Elikatze-katean parte hartzen duten eragile guztiei zuzendutako neurriak bildu ditu araudian, ekoizpenetik hasi eta kontsumitu arte.
Araudi berriaren arabera, ostalaritzako establezimenduetan nahiz jateko eta edateko zerbitzua eskaintzen duten edozein lokaletan, kontsumitu ez duten janaria etxera eramateko aukera eman beharko zaie bezeroei.
Aukera hori eskaintzeagatik ezingo dute gehiago kobratu eta modu argian adierazi beharko dute, kartan edo menuan idatzita.
Horrez gain, elikatze-katean parte hartzen duten eragile guztiek janaria galtzea saihesteko prebentzio-planak landu beharko dituzte eta, besteak beste, soberan gelditu zaizkien elikagaiak irabazi asmorik gabeko enpresei eta elikagai-bankuei eman beharko dizkiete.
Baldintza hori catering edo jantoki zerbitzua eskaintzen duten erakundeetan, osasun zentroetan, ikastetxeetan eta erresidentzietan ere aplikatuko dute.
Dohaintzak egiteko, elikagaiak ekoizten dituzten enpresek, merkataritza establezimenduek nahiz ostalariek hitzarmenak sinatu beharko dituzte soberan gelditu zaien janaria jasoko duten elkarteekin. Itun horretan zehaztuko dute elikagaiak biltzeko eta garraiatzeko irizpideak.
Horrez gain, saldu ez diren elikagaiekin zukuak, marmeladak edota kremak egiteko erabili beharko dira.
Soberan gelditu den janaria kontsumitzeko moduan ez badago, aukera ezberdinak planteatzen ditu zakarrontzira botatzea saihesteko, hala nola animalientzako janaria prestatzeko, nekazaritzarako konposta egiteko edo biogasa lortzeko erabiltzea.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30ak aldera izan da. Berarekin zegoen lagun taldeak abisua eman du, flotatzen ikusi dutenean. Ertzaintzak bere gain hartu du ikerketa.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.