Kanarietako presidenteak adierazi du "etsaia" sumendia dela
Angel Victor Torres Kanarietako presidenteak agerraldia egin du gaur Parlamentu autonomikoan, La Palmako krisi bolkanikoaren berri emateko. Ganberaren eta indar politikoen erabateko batasuna egiaztatuta, ohartarazi du ez dela "ez azkarra ez erraza" izango, eta argi izan behar dutela "etsai bakarra" dagoela, sumendia, hain zuzen.
Indar parlamentario guztiek babestu egin dute Torresen eta Kanarietako Gobernuaren larrialdiaren aurreko jarduna. Gauza bera egin dute Pedro Sanchez Espainiako presidentearekin, Mariano Hernandez Zapata La Palmako Kabildoko presidentearekin, eta udalerri kaltetuetako (Los Llanos, El Paso eta Tazacorte) alkateekin.
Nieves Lady Barreto Coalicion Canaria taldeko diputatuak adierazi duenez, gobernu autonomikoak haien laguntza izango du, "baina kritikoak eta zorrotzak ere izango gara".
Bestalde, Maria Australia Navarro PP taldeko bozeramailea, bermatu du bere alderdia "egoerak eskatzen duen bezala" arituko dela, eta proposamenak eta esperientzia ekarriko dituztela, baita kaltedunei laguntza lehenbailehen iristeko kontrola ere.
Esker onak eta promesak
Kanarietako presidenteak azpimarratu duenez, Europako ezbehar bolkaniko handiena da ehun urtean. Hori konpontzea "izugarri zaila" izango denez, "leku orotako talde politiko oro konprometituko du". Edonola ere, adierazi du bere gobernuak eta Kanarietako Parlamentuak haien esku dagoena egingo dutela, ahal den neurrian palmatarren mina baretzeko.
Talde parlamentario, alderdi eta presidente autonomiko guztien "beroa" sentitu izana aitortu du. Abisatu du inork ez lukeela "ezbehar honekin ospe-izpirik" lortzeko tentaziorik izan behar.
Presidente kanariarrarentzat, ekintza-batasuna "eztabaidaezina eta aipagarria" da. Berdin deskribatu du Espainiako Gobernuaren esku-hartzea; agindutako 200 milioi euroengatik, eta 20 egunetan etxeak erosi, ur-araztegiak ipini eta kaltetuentzako arreta-bulegoa sortu izanagatik.
Bere esanetan, "mekanismoak bilatu ditzakegu sute bati aurre egiteko, baina sumendi baten aurka erabatekoa da ezintasuna, ez da labaren areagotzea galarazi dezakeen ezer". Gehitu duenez, "ezinezkoa" da erupzioa noiz amaituko den jakitea, eta ezin dituzte guztizko kalteak kuantifikatu.
"Berri ona" da kalte pertsonalik egon ez izana. Presidenteak eskertu duenez, neurri handi batean, zientziari esker izan da hori, baita Pevolca Kanarietako Larrialdi Bolkanikoen Planari ere, erupzioa gertatu baino astebete goizagotik prest.
Torresek onartu du presidente den bitartean akatsak egingo dituela. Era berean, hitzeman du "ahal bezainbeste" egingo duela La Palma uharteko eta, "akaso, Kanarietako" ezbehar larrienaren aurrean.
"La Palmara etortzen denak pena, tristura, hondamena eta etorkizunarekiko beldurra arnastuko ditu. Baina baita ausardia, adorea eta itxaropena ere. Palmatarrak ez dira aise etsiko", ondorioztatu du.
Zure interesekoa izan daiteke
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du beti bizitza errazago bihurtzen, diagnostiko berantiarrak, autoexijentziak, antsietateak eta ingurukoen itxaropen handiek tarteko.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.