Araba
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gerra Zibileko obus bat agertu da Legutioko obra batean

Ertzaintzak indargabetu du dagoeneko. Langile batek topatu zuen jaurtigaia. 44,5 kiloko artilleria-pieza bat zen, eta 4.230 gramo trilita zituen.
Langile batek Gerra Zibileko obus bat aurkitu du Legutioko obra batean. Argazkia: Ertzaintza
Langile batek Gerra Zibileko obus bat aurkitu du Legutioko obra batean. Argazkia: Ertzaintza

Agentziak | EiTB Media

Azken eguneratzea

Ertzaintzak Gerra Zibileko obus bat indargabetu du. Behargin batek aurkitu zuen Legutioko (Araba) obra batean.

44,5 kiloko, 630 milimetro luzerako eta 144 milimetro kalibreko artilleria-pieza bat zen, eta 4.230 gramo trilita zituen, Eusko Jaurlaritzako Segurtasun Sailak baieztatu duenez.

Obrako langile batek obusa topatu zuen iragan astelehenean, 15:00ak aldera. Beharginak Ertzaintzari abisua eman zion.

Artilleriako jaurtigaia lehertu barik zegoela egiaztatu eta zonaldea sokaz inguratu zuten ertzainek.

Ondoren, Ertzaintzako artezilariek jaurtigaia Berroziko instalazioetara eraman zuten, bertan zartarazteko.

Gerra Zibileko beste obus bat agertu da Galdakaon, bigarrena azken asteetan
Galdakaon aurkitutako Gerra Zibileko obus bat leherrarazi du Ertzaintzak
Gizartea Ertzaintza Araba Euskal Autonomia Erkidegoa Eguneko Titularrak Memoria Historikoa Gorbeialdeko kuadrilla

Zure interesekoa izan daiteke

Gehiago ikusi
Publizitatea
X