Intzidentziaren gorakadak olatu berri bat eta LABIren itzulera ez ekartzea espero duela esan du lehendakariak
Iñigo Urkullu lehendakariak esan du pandemiak Euskadin izan duen bilakaera "kezkagarria" dela, duela hamabost egun osasun larrialdia indargabetu eta gero. Ildo horretan, adierazi du espero duela azken asteetako intzidentzia metatuaren gorakadak olatu berri bat ez ekartzea, ezta Babes Zibileko Planaren Kontseilua (LABI) berriro bildu behar ez izatea ere.
2021-2024 Euskadiko Estrategia Soziosanitarioaren aurkezpenean, covid-19aren egoera epidemiologikoaz arituta, Urkulluk gogora ekarri du "duela 15 egun eskas" indargabetu zutela osasun larrialdia, eta, gaineratu duenez, horren ostean, "intzidentzia-tasa metatua handitzen jarraitzen dugu", baina "ZIU oheetako egoera egonkorra da, eta, gainera, oso arina, oraingoz".
"Duela 15 egun esan genuen nahiago genukeela Babes Zibileko Planaren Kontseiluak kudeatu beharreko olatu-egoera batera itzuli behar ez izatea".
"Egia da ZIU oheen okupazio-maila erlaxatua dugula oraingoz, baina egia da, halaber, ospitaleko oheen okupazioa handitzen ari dela", adierazi du.
Lehendakariaren esanetan, "kezkagarriena oinarrizko birsorkuntza indizean ematen ari den egoera da".
Maskara patioetan mantenduko dute
Bestalde, 12 urtetik beherakoek patioetan maskara eramaten jarraitu beharko dute nahitaez, Gotzone Sagardui Osasun sailburuak esan duenez.
Sagarduiren hitzetan, birusak "bizirautea bilatzen du", eta "populazio ahulenetan bizitzea" lortzen du.
"Une honetan, 12 urtetik beherako haurrak dira ahulenetakoak, ez baitago pediatriako txertorik haientzat", horren arabera.
Horregatik, sailburuaren esanetan, ikastetxeetako jolastokietan haurrak "elkarren artean jolastu ezin izatea" saihestu behar da, "distantziak mantendu behar direlako" maskararik ez badaramate. "Lagundu diezaiegun!", esan du.
Sailburuak azaldu duenez, maskara erabiltzea prebentzio-neurrietako bat da "guztiontzat, kutsatzea eta birusa hedatzea saihesteko". Horregatik, 12 urtetik beherako haurrek jolastokietan eraman behar dutela uste du, "babesteko". "Normaltasuna mantentzen saiatzen ari gara", gaineratu du.
Albiste gehiago gizartea
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Gamarrako industrialdeko enpresa guztiak hustu dituzte, eta ez da inor zauritu. Suhiltzaileek kea gutxitzea lortu dute, eta Abetxuku eta Arriaga auzoetako bizilagunak etxetik irten daitezke, baina denbora beharko da guztiz itzaltzeko.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.