Emakume batek Gasteizen salatutako erasoa faltsua izan daitekeela uste du Ertzaintzak
Lau pertsona migratzailek jipoia eman ziotela salatu zuen duela 10 egun Gasteizko emakume batek. Bada Ertzaintzaren ikertzaileek Batan ibilbidean (Mendizorrotza) dauden segurtasun kameretako grabazioak berrikusi dituzte, eta ez dute aurkitu emakumeak salatutako lau pertsonaren arrastorik. Hala, EITB Mediak kontsultatu ahal izan dituen iturrien arabera, Ertzaintzak uste du salaketa faltsua izan daitekeela eta eginbideak aurkeztu ditu epaitegian.
Emakumeak urriaren 24an aurkeztu zuen salaketa, ospitalean lesioen partea jaso eta berehala. Salatu zuenez, goizaldean etxera itzultzean, lau pertsona migratzailek jipoitu zuten. Ertzaintzak ikerketa abiatu zuen.
Emakumea Voxen hautagai izan zen. Delituaren itxura egitea egotz diezaiokete, 6-12 hilabeteko isunarekin zigortutako delitua, hain justu.
Josu Erkoreka Eusko Jaurlaritzako Segurtasun sailburuak gaur baieztatu duenez, ez dago salatzailearen bertsioa baieztatzen duen daturik eta horregatik delituaren itxura egitea leporatu diezaiokete.
Bizkaia Irratiari eskainitako elkarrizketan azaldu duenez, Ertzaintzak atzo bertan aurkeztu zituen izapideak dagokion epaitegian. Orain epaitegiek ikertu beharko dute bai emakumeak aurkeztutako salaketa eta baita Ertzaintzak jarritakoa ere.
Baieztatuko balitz, egindakoak larritasun handiagoa izan dezakeela uste du Erkorekak, ez delitu gisa, ekintza edo keinu sozial gisa baizik. Izan ere, Erkorekaren iritziz, horrelako ekintzek bizikidetzan, aniztasunarekiko errespetuan eta aniztasunean eragin negatiboa izan dezakete.
Jesus Perea Migrazioen Estatu idazkariak kritikatu egin du batzuek delinkuentziaren eta migrazioaren artean egiten duten "lotura", askotan gertakarietatik "askoz harago doazen interesen ondorio" delako.
Estatuko idazkariak esan du "izapide guztiek aurrera egiten" utzi behar zaiela kasu hau argitzeko, eta horregatik "zuhurtzia" eskatu du.
"Oso zuhurra izan behar dugu, eta zuhurtasunerako edozein dei egiten dugu zentzu horretan, batez ere lotura horrek gizartean bizikidetzarako oso kaltegarriak diren orokortzeak eragiten dituelako", gaineratu du.
Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuaren ustez, bestalde, salaketa faltsua izan dela baieztatuko balitz "mesede makala" egingo liekete indarkeria matxistaren biktimei, benetako indarkeria horiei sinesgarritasuna kentzen lagunduko liokeelako.
Era berean, ustezko erasotzaileen jatorri magrebtarra ahotan, Artolazabalek esan du jatorria aipatzeak beste osagarri bat duela, talde "zaurgarri eta estereotipatua" delako.
Denis Itxaso Espainiako Gobernuak EAEn duen ordezkariak ere "zuhurtziaz" jokatzeko eskatu du, "argitu gabeko gertakari batzuen aurrean, eta susmo edo zalantza batzuk sortzen ari dira".
"Euskal gizarte osoa tolerantziaz eta inklusiorako prest egiten ari den eguneroko lan bati amaiera eman diezaioketen elkarketeak edo loturak saihestu behar dira", ondorioztatu du.
Bestalde, Miren Gorrotxategi Elkarrekin Podemos-IUk Legebiltzarrean duen bozeramaileak ere antzeko gogoeta egin du. "Oso mingarria da, horrela gertatu bada. Berez, dagoeneko mingarria delako daukagun arazoa bortizkeri matxistarekin eta berau erabiltzea, tranpak egitea horrekin, helburu bezala gorrotoaren diskurtsoak eta delituak areagotzeko, beste gutxiengo batzuen kontra onartezina da", salatu du.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.