Jaurlaritzak ez du baztertzen Gabonetan neurri murriztaile gehiago ezartzea egoerak okerrera eginez gero
Gotzone Sagardui Osasun sailburuak ohartarazi du "kutsatze kopuruan gorakada bat" izaten ari dela, eta azken astean 200dik gora COVID-19 kasu atzeman dituztela egunero: "Asko". Horregatik, esan du ez duela baztertzen Gabonetan neurri murriztaile gehiago ezartzea egoerak okerrera eginez gero.
ETBn egindako elkarrizketa batean, Osasun sailburuak pandemiaren egoeraz hitz egin du, eta iragarri du astelehen onetatik aurrera Osakidetza harremanetan jarriko dela Janssenen COVID-19aren aurkako txertoa hartu zutenekin beste dosi bat jaso dezaten.
EAEko ZIUetan koronabirusarekin 27 pertsona daudela zehaztu ostean, aitortu du arreta sistemaren egoera "hobea" dela duela hilabete batzuen aldean.
Sagarduiren esanetan, Araba, Bizkai eta Gipuzkoako herritarren 10etik 9k jaso dute txertoa, eta jaso ez dutenek jaso dutenek baino lau aldiz aukera gehiago dute gaixotasunarekin ospitaleratuak izateko.
Beste osasun larrialdi egoera bat ezartzeko aukeraz galdetuta, Sagarduik esan du posible dela "txertoak ematen duen babesetik ihes egiten duen" birusaren beste aldaera bat agertuko balitz. Era berean, ohartarazi du herritarren portaera batzuk erraztu egiten dutela birusaren zabalkundea.
Osasun zentroetan aurrez aurreko arretaren itzulerari buruz, aitortu du pandemiaren joeraren araberakoa izango dela. "Aurrerapausoak ematen ari gara berreskuratzeko. Astelehenetik aurrera Janssenen monodosia jaso zuten pertsonak berriro txertatzen hasiko gara. Herritar horiekin harremanetan jartzeko modua antolatu eta ezarriko dugu hitzordua jaso ahal izan dezaten", iragarri du.
Eskoletan atzemandako agerraldi berrien harira, esan du 25 ikasgela daudela itxita gaur egun EAEn, eta duela urtebete 150 zirela. Dena den, onartu du 12 urtetik beherakoak direla zaurgarrienak gaur egun.
Azkenik, Eguberriak gerturatzen ari direla eta, oso garai soziala eta familiarra dela esan du, baina "goranzko joera eten" beharra dagoela esfortzu bat eginez.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.