Guardia Zibilak "arrazoi sentimentalak argi ikusi" zituen Ardinesen krimenean
Javier Ardines IUko zinegotziaren hilketaren ikerketan, Llanesen (Asturias), parte hartu zuten Guardia Zibileko UCO taldeko zenbait agentek adierazi dutenez, "arrazoi sentimentala argi ikusi zen hasieratik". Llalnesko zinegotziaren etxetik, Belmonte de Priako parrokiatik, gertu hil zuten Ardines 2018ko abuztuaren 16an. Bestalde, ustezko sikarioetako bat galdeketan behartu izana ukatu dute guardia zibilek.
Oviedoko epaitegietan bosgarren saioan, UCO taldeko teniente batek eta sarjentu batek deklaratu dute. Horien esanetan, Ardinesen ingurune soziolaborala eta auzoa ikertu zituzten aurrena, eta ez zuten "inolako kriminalitate zantzurik" aurkitu.
Ondoren, IUko zinegotziaren bizitza pertsonala ikertzen hasi ziren, eta "lerro sentimentala argi ikusi zen lehen ikerketetatik", azaldu du guardia zibil batek.
Abiapuntua Pedro N. A. ustezko eragileak bere mugikorrarekin 2017ko abenduan jatetxe batean grabatu zuen audioa izan zen. Haren emazteak, zinegotziaren emaztearen bigarren lehengusuak, eta Ardinesek sekretuan harreman bat zuten susmoak baieztatu zituen horrela hilketaren ustezko eragileak.
Pedro N. A. jelosiak itsututa, "erotuta", zegoela azaldu zuten ikertzaileek atzoko saioan, desleialtasuna "ezin zuelako burutik kendu".
Akusazioen arabera, 2018ko uztailean, Pedro N. A. auzipetuak egitasmoa aurrera eramateko erabakia hartu zuen, bere emazteak uda Belmonte de Prian, Ardinesen etxetik gertu, pasatu behar zuela jakinda, eta Jesus M. akusatuarekin harremanetan jarri zen horretarako, diru truke lan egingo zuten sikarioak bilatzeko.
Horietako batek, Djilali B.k, epailearen aurrean aitortu zuen berak eta Maamar K. herrikide aljeriarrak bakoitzak 25.000 euro kobratu zituztela, eta bitartekariak 10.000 euro jaso zituela. Maamar K. Suitzan atxilotu zuten, beste hiru akusatuak ez bezala.
Atxilotu ostean, Djilali B. auzipetuak esan zuen enkargua zinegotziari "jipoi bat ematea" izan zela, baina ikertzaileek ez zioten sinesgarritasunik eman, Ardines itota hil zutelako; beraz, hiltzeko asmoa zuten, UCOko tenientearen iritzian.
UCOko sarjentuak, aldiz, Djilali B. galdeketan "presionatu" edo "behartu" izana ukatu du. Auzipetuak behin baino gehiagotan eten du guardia zibila oihuka. Hiru aldiz ohartarazi ostean, epaimahaiko presidenteak Djilali B. aretotik kanporatu du.
UCOren arabera, ez dago zalantzarik 2018ko uztailaren 27an hilketaren plangintza egin zutela. Pedro N. A. eta Jesus M. Belmonte de Priara joan ziren, Djilali B.rekin eta Maamar K.rekin batera, Ardinesen ordutegien eta ohituren berri emateko.
Zure interesekoa izan daiteke
Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak
19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.
Euskal Herria ilunpetan jarriko duen eklipse historikoaz segurtasunez gozatzeko gida
Asteazken honetan, abuztuak 12, eguzki-eklipse osoa izango da, 1905etik izan ez dugun fenomenoa. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste.
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.
Eklipsea ikusteko planik gabe? Adi ekitaldi historiko honetaz gozatzeko proposamen hauei
Aukera zabala dugu Euskal Herrian: itsasotik, mahasti batetik edo gure gailurretatik nahiz gidatutako behaketa batean teleskopioz, besteak beste, ikusi dezakegu abuztuak 12ko eklipsea.