Covid pasaportearen erabileraren gaineko erabakia Espainiako Estatuari dagokiola uste du lehendakariak
Iñigo Urkullu lehendakariak "erabaki bateratua" eskatu du astelehen honetan, "Espainiar Estatu osoan", langile jakin batzuei txertoa jartzeko aukerari buruz, edo covid pasaportearen eskakizun "orokorraren" gainean, Europako beste leku batzuetan egiten ari diren moduan.
Jan Jambom Flandriako ministro eta presidenteari Lehendakaritzan harrera egin ostean egindako agerraldi publikoan, Urkulluk onartu du Eusko Jaurlaritza kezkatuta dagoela covid-19aren egoerarekin; izan ere, kasu positiboak gora egiten ari dira narbamen. Azken astean ia bikoiztu egin dira positiboak eta ospitaleetako presioa ere hazten ari da, gaur argitaratutako azken datuen arabera.
Testuinguru horretan, Osasun Sailak agindu bidez "jarraibide batzuk" ezarriko ditu astearte honetan, prebentzio-neurriak indartzeko, intzidentzia tasa altua duten zortzi udalerritan.
Eusko Jaurlaritzak kutsatzeak saihesteko lanean jarraitzen duela azpimarratu badu ere, birusak "hor jarraitzen" duela gogorarazi du. "Txertoa ez da erabateko irtenbidea", ziurtatu du.
Hori dela eta, oraindik txertatu gabe daudenak txertoa hartzera animatu ditu, eta "transmisioa" eteteko prebentzio neurriak mantendu behar direla azaldu du. Besteak beste, maskarak barnealdean jartzeko deia egin du, eta kanpoaldean ere horretara gonbidatu ditu herritarrak.
Bestalde, lehendakaria pozik agertu da Pedro Sanchezen Gobernuak 12 urtetik beherakoen txertaketa iragarri duelako, agian abenduaren erdialderako, eta txertoaren hirugarren dosia jartzen jarraitzen dutela nabarmendu du, hartu beharreko prebentzio neurrien "osagarri bat" dela zehaztuz.
Covid pasaportea eta langile jakin batzuen txertaketa Espainiako Estatu osoan modu "bateratuan" erabakitzearen alde agertu da, eta "zaila" ikusten du Euskadik horrelako neurriak hartzea, "estatu mailako" erabaki baten barruan egon ezean.
"Estatu osoan erabaki bateratua merezi duten eztabaidak dira. Eskumen mugatuak ditugu eta, une honetan, gainera, osasun-larrialdean ez gaudenez, ezin da Eusko Legebiltzarrean ekainaren 24an onartutako pandemiaren aurkako Legea aplikatu ", azaldu du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.