Pfizer umeetan erabiltzearen inguruko erabakia datorren astean hartuko du Sendagaien Europako Agentziak
Pfizer txertoa 5-11 adin tartean erabiltzeko aukeraren inguruan erabakia "datorren aste amaieran" hartuko du Sendagaien Europako Agentziak. Bitartean, immunizazio tasa txikiak dituzten herrialdeetan txertaketa zabaltzeko eta babesa indartzeko dosiak ematea eskatu du.
Marco Cavaleri Txertaketa Estrategiako buruzagiak deitoratu duenez, Europar Batasunean "txertoa jaso ez duten pertsonen kopurua handia da oraindik", 50 urtez gorakoen artean barne. "Arriskurik handiena dutenak dira", ohartarazi du. Gainera, dagoeneko kasu larrien, ospitaleratzeen eta ZIUan amaitzen dutenen "kopurua handiegia" dela gogorarazi du, "bereziki txertoa jaso ez dutenen artean".
Onartu duenez, "ez dago % 100 eraginkorra den txertorik, baina eskuragarri dauden txertoek eraginkortasun oso ona dute gaixotasun larritik babesteko", baina jende asko kutsatzen bada, "batzuk, tartean txertatuak, ospitalean amaituko dute".
"Negura hurbiltzen garen heinean, positiboen eta ospitaleratzeen gorakada ikusten dugu ia Estatu kide guztietan. ZIUetan dauden paziente gehienek ez dute txertorik jaso. Txertoa hartzearen beharra azpimarratu nahi dugu, baita behar dutenek babesa sendotzeko beste dosi bat jasotzea ere", ohartarazi du Cavalerik.
Txertaketa zabaltzea "berebizikoa" da, nabarmendu du, injekzioen portzentajea "oso baxua" den herrialdeetan bereziki.
Cavaleriren ahotan, "babesa indartzeko dosiak garrantzitsuak izango dira txertaketa estrategian". Giza sendagaien Batzordeak (CHMP) Pfizer edo Moderna hirugarren dosia 18 urtez gorakoei ematea posible zela ebatzi zuen, bigarrena hartu eta gutxienez sei hilabetera.
AstraZenecaren eta Janssenen kasuan ere, babesa indartzeko dosi bat emateko aukera aztertzen ari da Sendagaien Europako Agentzia, baina "gomendioa emateko datu nahikorik ez dago, beraz, oraindik goiz da baieztatzeko".
"Azaroaren amaieran" mix & match estrategiaren azterketa bukatzea espero du agentziak, txerto ezberdinen konbinazioa, alegia; baina "ikerketa akademiko batzuek estrategia babesten dute ikuspuntu immunologikotik eta babesaren perspektibatik".
Tratamenduak
Era berean, agentzia balizko tratamenduen azterketa azkar egiten saiatzen ari da. Zentzu horretan, Pfizerrek garatutako pilulari larrialdi erabilera emateko, herrialdeak "aholkatzea" eskatu dio Emer Cooke zuzendariak CHMPri. Konpainiaren arabera, komorbilitateak dituzten pertsonen kasuan heriotza arriskua % 90 murrizten du pilulak. Azterketa ostiral honetan hasiko da.
Era berean, CHMP molnupiravir antibiralaren datuak aztertzen ari da jadanik, buruzagi nazionalei "gomendioak eman" ahal izateko, adibidez, baimendu baino lehen larrialdietan erabiltzeko.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.