MOEk ohartarazi du Europan nabarmen hazi dela covid-19ak eragindako heriotza kopurua
Europan covid-19ak eragindako heriotza kopurua % 5 igo zen joan den astean aurreko astearekin alderatuta; hala, azken astean heriotzak gehien igo diren kontinentea bilakatu da, Munduko Osasun Erakundeak argitaratu duen azken txosten epidemiologikoaren arabera.
Asia hegoaldean eta ekialdean –India barne hartzen duen eremu geografikoan– pandemiarekin loturiko heriotzak % 1 igo ziren, eta % 3, berriz, Afrikan.
Gainerako kontinente edo eremu geografikoetan, heriotza kopuruak behera egin zuen. Amerikan, zehazki, % 3 egin zuten behera covid-19aren ondoriozko heriotzek; Pazifiko mendebaldean –Txina barne–, % 5 jaitsi ziren; eta Mediterraneo mendebaldeko eremu geografikoan, % 14.
Mundu mailan, pasa den astean 50.000 heriotza gehiago izan ziren, MOEk jasotzen dituen herrialde guztietako jakinarazpenen arabera.
Kutsatze kopuruak % 6 egin du gora mundu mailan. Datuak eskualdeka aztertuta, igoera % 8koa izan da Europan eta Amerikan, eta Afrikatik jakinarazitako kasuak % 33 gutxiago izan dira.
Mundu osoan, 252 milioi kutsatze izan dira 23 hilabetean, birusa Txinan gogor zirkulatzen hasi zenetik gaur arte.
Europan, azken asteko intzidentzia metatua askoz handiagoa izan da (230) beste edozein eskualdetan baino. Amerikan 100.000 biztanleko 74 kasukoa izan da.
Azken astean kasu gehien izan dituzten herrialdeak Estatu Batuak, Errusia, Alemania, Erresuma Batua eta Turkia izan dira.
Alemanian, esaterako, kutsatzeen marka hautsi zen atzo berriro, Robert Koch Institutuak (RKI) jakitera eman duenez.
Herrialde germaniarreko osasun agintariek jakinarazi dutenez, 52.826 kutsatu berri atzeman dituzte azken 24 orduotan; duela astebete, 39.676 izan ziren, eta osteguneko marka hautsi da, 50.196 kasu hauteman baitzituzten orduan. Intzidentzia metatua 100.000 biztanleko 319,5 kasukoa zen atzo, 312,4koa bezperan, 232,1ekoa aurreko astean eta 66,1ekoa duela hilabete.
Azaroaren 4tik etengabe ari dira Alemanian kutsatze markak hausten, eta ez laugarren olatuari dagozkionak soilik, pandemia osokoak baizik.
Alemaniako Estatuan, herritarren % 70 inguru daude txertatuta. Astelehenera arte, Alemaniako biztanleen % 70,1ek zuten dosiren bat jarrita, eta % 67,6k, berriz, jarraibide osoa zuten.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.