Gasteizko Ardoaraba azoka bertan behera utzi dute pandemiaren eraginez
Ardoaraba azokako antolatzaileek ekitaldia bertan behera uztea erabaki dute, pandemiaren bilakaerak sortu duen "zalantza" egoera ikusita. Azoka Abenduko zubian egitekoak ziren. 150eko intzidentzia gainditzen duten udalerrietan ekitaldi mota hauek ez egitea eskatu zuen Eusko Jaurlaritzak.
Iaz ere ezin izan zuten azoka ospatu. Gasteiz On elkarte antolatzaileak erabakia baieztatu du ohar batean. Azaldu duenez, "erantzukizunagatik eta pertsonen osasuna arriskuan ez jartzeko" hartu dute erabakia.
Arabako Errioxako, txakoli eta sagardo upategiak biltzen ditu azokak, hiriko toki ezberdinetan jarritako karpatan.
Gorka Urtaran Gasteizko alkatearen ahotan, erabakia "ez zuen inork nahi, baina guztiz asmatu dute". Antolatzaileek "azaldutako erantzukizuna eta egindako esfortzua", aitortu du hiriko agintariak.
Azken 14 egunetan 100.000 biztanleko 150 positiboko intzidentzia metatua gainditzen duten udalerrietan jarduera jendetsuak ez egiteko eskatu zuen Eusko Jaurlaritzak, jateari eta edateari lotutakoak batez ere. Une honetan, Gasteizek 138,6 kasuko intzidentzia du.
Iñigo Urkulluren Gobernuak hartutako erabakiaren ondoren bertan behera geratzen den hirugarren ekitaldia da; izan ere, Tolosako babarrun azoka eta Murgiako jaiak asteburuan egitekoak ziren, baina ez dira ospatuko.
Zure interesekoa izan daiteke
Nahigabea nagusi Erronkarin herriko hiru bizilagun Ezka ibaian itota hil osteko egunean
Asteazken arratsaldean emakume bat eta horren bi seme adingabe hil ziren itota Ezka ibaian eta hiru dolu-egun deitu dituzte herrian.
Eutanasia legezko izango da Ipar Euskal Herrian ere, Frantziako parlamentuak heriotza lagundua izateko eskubidea onartu ondoren
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sutea izan da Monteagudon, ardo-upelak egiten dituen enpresa batean
Asteazken arratsaldean piztutako suteak ez du zauriturik eragin; bai, ordea, kalte handiak, garrek nabe bat suntsitu baitute. Suhiltzaileek lanean jarraitzen dute sutea inguruko larreetara ez hedatzeko; bitartean, sutea zerk eragin duen argitzeko ikerketa abiatu du Foruzaingoak.
Emakume bat eta haren bi seme adingabe itota hil dira Ezka ibaian, Erronkarin
Gaur arratsaldean izan da ezbeharra, presa baten alboan bainurako egokituta dagoen leku batean. Guardia Zibilak ikerketa zabaldu du, gertatutakoa argitzeko.
Lehertu da festa Baionan: Leon Erregeak bost eguneko jaia piztu du!
Jaia ofizialki lehertu da Baionan, gaur arratsaldeko 17:00etan, herriko etxeko plazan bildutako milaka pertsonaen oihuekin batera. Gakoak Marie Darrieussecq idazleak, Maya Lauqué telebista-aurkezleak eta Jean-Claude Tellechea sukaldariak jaurti dituzte, Pantxoa eta Peio abeslarien musika lagun dutela.
Bilboko Udalak metro karratuko 10 euroko zerga ezarriko du hutsik dauden etxebizitzen gainean
Udalak 2027tik aurrera ezarriko du neurria, eta ordenantza bat izapidetuko du erabili gabe dauden 1.565 etxebizitza alokairu-merkatura bideratzeko.
Euskadiko ikerketak urte “bikaina” bizi izan du eta I+G+Bko 725 proiektu lagundu ditu, Osasun Sailaren arabera
Euskal osasun-sistemak 32 milioiko finantzaketa lehiakorra lortu zuen eta 725 ikerketa-proiektu bultzatu zituen. Profesionalen % 61 emakumeak dira.
"Elkarkidetza nagusitu da" aurtengo sanferminetan, "guztientzako festa berriro bihurtuta"
Amaitu berri diren 2026ko sanferminetako balantzean, Joseba Asiron Iruñeko alkateak azpimarratu du jaietan "giro ona, errespetua eta Udalak antolatutako ekitaldietan parte-hartze bikaina" izan direla nagusi.
Pertsona baten bila ari dira Bidasoa ibaian, Behobia parean
Herritar batek eman dio abisua Ertzaintzari, 07:30ak aldera pertsona bat uretara erortzen ikusi duela esanez. Abisua jaso ondotik, bilaketa lanak hasi dituzte Faisaien uhartearen inguruan.
Kongresuak Mendekotasunaren Lege berria onartu du, eta Estatuaren finantzaketa areagotu egingo da
Alderdi guztiek, Voxek izan ezik, lege berria onartu dute. Eskubideak, zerbitzuak eta prestazioak zabaltzea aurreikusten du arau berriak.