Nafarroako Gobernuak asteazkenean eskatuko dio covid ziurtagiria ezartzeko bermea Auzitegiari
Gaueko ostalaritzan eta jendetza biltzen duten jatetxeetan covid-19 ziurtagiria ezarri ahal izateko bermea asteazkenean eskatuko dio Nafarroako Gobernuak Justizia Auzitegi Nagusiari, Foru Gobernuak baieztatu duenez.
Baimena eskatzeaz gain, txertatzeko deia ere egingo du Gobernuaren Osasun Kontseilaritzak. Hala, inokulatuta ez dagoen eta txertoa jarri nahi duena FOREMera joan ahalko da, hitzordu barik.
Auzitegiak baimena emanez gero, honakoetan aplikatuko lukete osasun ziurtagiria: 50 mahaikide baino gehiagoko jatetxeetan, dantzaleku eta diskoteketan, kafe-ikuskizunerako lizentzia duten establezimenduetan eta lizentzia bereziko tabernetan. Azken horietan, gauerditik aurrera eskatuko dute osasun pasea. Halaber, jan-edana egin daitekeen barnealdeko ekitaldi jendetsuetan ere galdegingo dute. Neurria onartzekotan, azaroaren 27tik urtarrilaren 6era (biak barne) egongo litzateke indarrean.
Ziurtagiria Osasunbideko Osasun Karpeta Pertsonalean deskarga daiteke, behin eginda sakelakoan gordeta edo inprimatuta eraman daiteke. Hiru kasutan ematen da: txertaketa ziurtagiria (pauta osoa), proba negatiboaren egiaztagiria (azken 72 orduko PRC proba negatiboa eta azken 48 orduko antigeno proba negatiboa) edota osatze ziurtagiria (covid-19a gaindituta ematen da eta 180 eguneko balioa du).
Nafarroako Gobernuak bi aste eman ditu neurria sektorearekin lantzen eta negoziatzen. Ostalariek adostuta, adibidez, ziurtagiria eskatzeko ordua zehaztu dute (00:00etatik aurrera).
Era berean, prebentzio indibiduala indartzeko sentsibilizazio kanpaina jarriko du martxan Nafarroako Gobernuak. Barnealdeko tokietan eta kanpoaldean (distantzia manten ezin daitekeen lekuetan) maskara jartzea eta arrisku handiko ekintzak saihestea gomendatuko dute.
Izurriaren intzidentzia handia da Nafarroan (100.000 biztanleko 365 kasukoa da azken 14 egunetan). Igandean 198 positibo berri atzeman dituzte. Ospitaleetako egoera egonkor dago, baina goranzko joerarekin.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.