Arrisku ertaineko eremuetan ostalaritza 23:00etan ixtea aztertuko du gaur Osasun Publikorako Batzordeak
Espainiako Osasun Ministerioa eta autonomia erkidegoak ordezkatuta dauden Osasun Publikorako Batzordeak bilera egingo du gaur arratsaldean eta bertan hainbat kontu eztabaidatuko dituzte, tartean, 100.000 biztanleko intzidentzia metatua 100 kasutik gorakoa eta ospitaleetako presioa handia den tokietan ostalaritzaren barrualdea ixtea 23:00etatik aurrera.
Covid semaforo berriaren arabera, arrisku ertaineko eremua izango da 14 eguneko intzidentzia metatua 100 eta 300 artekoa denean. Proposamenak aurrera egingo balu, intzidentzia metatuaren datua ez ezik, ospitaleetako eta zainketa intentsiboetako unitateetan presio handia izatea hartuko litzateke kontuan ostalaritza 23:00etan ixteko.
Alerta Batzordeak Osasun Publikorako Batzordeari igorritako txostenak gaueko aisialdia 01:00etan ixtea eta dantza egiterakoan maskara ezinbestekoa izatea proposatzen du. Halaber, mahai bakoitzean gehienez 10 pertsona egon ahalko lirateke. Barrualdeetako edukiera % 50ekoa litzateke.
Arrisku handiko eremuen kasuan, 14 eguneko intzidentzia metatua 300dik gorakoa denean eta ospitaleetako presioa are handiagoa denean, ostalaritzako barrualdeak edukieraren % 25rekin ireki ahalko lirateke, mahai bakoitzeko sei pertsonarekin, baina 23:00etan itxi beharko lukete.
Arrisku larriko eremuetan (500etik gorako intzidentzia metatua dutenak), ostalaritzaren barrualdea itxiko litzateke.
Gaur arratsaldeko bileran, 60 urtetik gorakoei eta osasun langileei eta osasun soziosanitarioei koronabirusaren aurkako hirugarren txertoa jartzea ere eztabaidatuko dute. Iragan astean aukera horren alde agertu zen Espainiako Txertoen Batzordea.
Talde horiei hirugarren dosia ematea onartuz gero, Pfizerrena edo Modernarena jarriko zaie. Txertoa hartu zuten 60 eta 69 urte bitarteko pertsona gehienek AstraZenecarena jaso zuten.
Bilerako beste hizpideetako bat covid ziurtagiriarena izango da. Balear uharteetan, Katalunian eta Galizian dagoeneko covid ziurtagiria beharrezkoa da toki batzuetan. EAEko Justizia Auzitegi Nagusiak Eusko Jaurlaritzari covid pasaportea ezartzeko baimena ukatu ostean, irizpide bakarra ezartzea eskatzen dute autonomia erkidego batzuek.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.