Jaurlaritzak osasun larrialdia berriro ezartzea aztertuko du ZIUetako okupazioak gora egiten badu
"Ez goaz ondo!". Horrela laburbildu du Gotzone Sagardui Eusko Jaurlaritzako Osasun sailburuak pandemiaren egoera Euskadin. Horren aurrean, EAEko Auzitegi Nagusiak osasun ziurtagiria ezartzeari ezetza eman ostean, Jaurlaritzak iragarri du osasun larrialdia berriro ezartzea aztertuko duela ZIUetako okupazioak gora egiten badu.
Sagardui prentsa aurrera agertu da gobernu bileraren ostean, eta bertan izurritearen bilakaerari buruzko datuak eta gogoeta partekatu ditu. Zehaztu duenez, okerrera egin dute koronabirusaren datuek: intzidentzia metatua 321 kasukoa da 100.000 biztanleko, joan den astean 181 kasukoa izan arren. Ospitaleratzeek ere gora egin dute (114tik 176ra igaro dira), eta ZIUetan 31 gaixo larri daude (duela astebete 30 ziren). Azken adierazle hori izango da, hain justu, neurriak zorrozteko erabiliko dutena. Hala, Osasun sailburuak iragarri duenez, ZIUetako okupazioa 50era iristen bada, urriaren 5etik bertan behera dagoen osasun larrialdia berriro ezartzea aztertuko dute.
Osasun larrialdia berrezarrita, LABI EAEko Babes Zibileko Planaren Aholku Batzordea osatuko litzateke berriro, eta pandemiaren aurkako euskal legeak jasotzen dituen neurri "zorrotzagoak" hartzeko aukera eskura izango luke Jaurlaritzak.
Osasun sailburuaren ustez, ezinbestekoa da prebentzio neurriak areagotzea "are gehiago okertu baino lehen". Gogorarazi duenez, joan den astean "lehen ohartarazpena" egin zuten, eta herritarrak konturatu ziren "zerbait ez zegoela ondo". "Dena dela, hezkuntza arloan ez ezik, agerraldiak izaten ari gara txangoetan, ezkontzetan edo afarietan ere", azaldu du.
Horren ildoan, EAEko Auzitegi Nagusiaren atzoko erabakia deitoratu du. "Gure ustez, Auzitegiak gutxietsi egin zuen birusaren hedatzeak pertsona askoren osasunarentzat dakarren arriskua; guk proposatutako neurriak arrisku horri egokituta zeuden", azaldu du.
"Beste hainbat lekutan erabiltzen ari den tresna gabe geratu da Euskadi", kritikatu du Sagarduik, eta horrek, bere ustez, agerian utzi du "bide juridikoak ez duela balio covid-19aren goranzko garapena geldiarazteko". Horren aurrean, Espainiako Gobernuari dei egin dio Jaurlaritzak "tresna juridikoak" sor ditzan.
Musukoa kanpoaldean
Halaber, aurreratu du bihar egitekoa den Lurraldearteko Kontseiluko Osasun Publikorako Batzordean honako neurriak hartzea eskatuko duela: kanpoaldean maskara erabiltzeko betebeharra berreskuratzea, covid ziurtagiriaren erabilera arautzea ekitaldi eta establezimendu zehatzetan, hirugarren dosia emateko prozesua aurreratzea, eta "mekanismo guztiak erabiltzea covid-19aren aurkako txerto pediatrikoaren etorrera bizkortzeko eta arintzeko, EMAk onartu ondoren".
"Neurriak behar ditugu, hemen eta orain", azpimarratu du Osasun sailburuak. Era berean, beste gako bat erantsi du: "Txertaketa, txertaketa eta txertaketa".
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.