60 urtez gorakoek hirugarren dosia jasotzeko 40.000 hitzordu inguru eman ditu Osakidetzak
60 urtez gorako pertsonek covid-19aren aurkako txertoaren hirugarren dosia hartzeko 40.000 hitzordu inguru eman ditu Osakidetzak astelehen honetan, Eusko Jaurlaritzako Osasun Sailak jakitera eman duenez.
Osakidetza gaur, azaroak 29, hasi da bere osasun langileei errefortzuzko txertoa jartzen eta 60 urtetik gorakoei hitzordua ematen.
Txertoen Ponentziak duela astebete jakinarazi zuen covid-19aren kontrako hirugarren dosia jaso behar dutenen taldea zabaltzeko erabakia: osasun langileei eta 60 urtetik gorakoei jarriko zaie.
Lehenengoen harira, EITB Mediak jakin duenez, errefortzuko txertaketa kanpaina astelehen honetan abiatu eta abenduaren 19an bukatu da. Osakidetzako osasun profesionalei Modernaren dosi erdia emango zaie. Bestalde, Osasun Saila lanean ari da arlo pribatuko lehen lerroan ari diren profesionalak zein langile soziosanitarioak txertatzeko modua zehazteko.
60 urtetik gorakoek hitzordua hartu ahalko dute
Gotzone Sagardui Osasun sailburuak Eusko Legebiltzarreko kontrolerako saioan argudiatu zuenez, "txertoa da birusari aurre egiteko dugun tresna onena", eta, hori dela eta, talde horri dei egin zion "lehenbailehen" hitzordua hartu dezan.
Orain arte, adineko egoitzetako egoiliarrei, immunoeskasia duten gaixoei eta 70 urte baino gehiago dituzten pertsonei eman diete errefortzurako txertoa.
Osakidetzak gogorarazi duenez, oroitzapen dosi hori azken dosia hartu zenetik sei hilabetera emango dute, Pfizer edo Moderna hartu zutenen kasuan, eta hiru hilabetera, AstraZenecaren kasuan.
Zita Osakidetzaren webgunearen bidez edo osasun zentrora deituta hartu daiteke. Txertoa horretarako bereziki prestatutako guneetan edo anbulatorioetan jarriko dute, baina hitzordua hartzen denean zehaztuko dute.
Zure interesekoa izan daiteke
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Gertatutakoa salatzeko, Itaiak elkarretaratzea deitu du gaur "Eraso matxistei aurre egin!" lemapean, 19:30ean, Azkoitiko plazan.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.