15 ospitaleratze berri eta 408 positibo zenbatu dituzte Nafarroan egun bakarrean
Egunetik egunera, okerrera egiten ari dira koronabirusaren adierazleak Nafarroan. Astearte honetan 408 positibo berri atzeman dituzte, Foru Gobernuak emandako datuen arabera.
Bezperan baino 119 kasu gehiago dira, eta duela astebete baino 89 gehiago. Are, duela 14 eguneko datuekin alderatuz gero, halako bi baino gehiago dira (174 kutsatze izan ziren orduko hartan).
4.090 proba diagnostiko eginda, horietako % 10 izan dira positibo.
Kasu horiek erietxera heltzen jarraitzen dute, eta atzoko egunean bakarrik, 15 ospitaleratze berri izan ziren, horietako bi ZIUetan. Hala, gaur-gaurkoz 88 pertsona daude Osasunbideko ospitaleetan, eta horietatik 14k zainketa intentsiboak behar dituzte.
Udalerri edo osasun guneka, Zizur Nagusian eta Iruñeko II. Zabalgunean hauteman dituzte kasu gehien, 21, hain justu. Iruñeko Alde Zaharrean 17 kutsatze zenbatu dituzte eta Berriozarren, 16. Barañainen eta Burlatan 13na positibo atzeman dituzte.
Txertaketari dagokionez, astearte honetan 2.823 dosi ziztatu dituzte. Dagoeneko 530.572 nafarrek dute koronabirusaren kontrako pauta osoa.
Kalean ere maskara erabiltzeko deia egin du Gobernuak
Carlos Artundo Nafarroako Gobernuko Osasun zuzendari nagusiak aire librean ere musukoa erabiltzeko deia egin du; "bereziki gomendagarria da garai hauetan, jendetza dabilelako kalean eta pilaketa handiak egoten direlako", erantsi du.
Artundok esan du osasun arduradunek abenduko zubiaren ostean aztertuko dutela egoera epidemiologikoa: "Oso serio berraztertu beharko dugu egoera, eta horren arabera neurriak hartu".
Jardunaldi trinkoa eskoletan
Ospitaleetan ez ezik, ikastetxeetan ere okerrera egin du pandemiak Nafarroan. Gora egin dute itxitako ikasgelek eta positibo eman dute haurrek. Horren aurrean, irailean ezarritako jardunaldi trinkoa ikasturte osoan mantentzea erabaki du Hezkuntza Departamentuak.
Era berean, gutuna bidali diete ikastetxe guztietara Gabonetarako ekitaldirik antolatu ez daitezen eskatuz.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.