Diskotekak itxita hilabetez, eta murrizketak Gabonen aurreko ospakizunetan, Ipar Euskal Herrian
Ipar Euskal Herriko diskotekak hilabetez izango dira itxita, hilaren 10etik aurrera, eta Gabonen aurreko ospakizunetan murrizketak izango dira, asteburuko jaiak salbatzea helburu. Frantziako Gobernuak erabaki du neurri horiek ezartzea, kontuan izanik nolako bilakaera ari den izaten pandemia, eta astelehen honetan eman ditu horien berri Jean Castex lehen ministroak.
Castexek argudiatu duenez, diskotekak itxiko dituzte gazteen artean birusaren transmisioa oso altua baita, eta, halaber, dantzalekuetan zaila delako maskara aldean eramatea. Lehen ministroak zehaztu du kaltetutako enpresek laguntza ekonomikoak jasoko dituztela.
Jean Castexek azaldu du oraingoz ez dagoela justifikaziorik beste neurri murriztailerik ezartzeko; adibidez, edukieretan mugak jartzeko edo etxeratze-aginduak agintzeko. Nolanahi ere, zuhurtzia eskatu du Gabonetako ospakizunetan, adibidez enpresa-afarietan, eta beste festetan: "Asmoa ez da hitzordu horiek debekatzea; asmoa da pertsonen arteko tartea zaintzea, eta maskara eramatea. Ezinezkoa denean, debekatu egingo ditugu", esan du.
Gainera, aire zabalean egitekoak diren ekimenetan, Gabonetako merkatuetan kasu, osasun-ziurtagiria derrigorrezkoa izango da.
Urte-bukaerako jaietara arte, erritmoa jaitsi behar dugu ospakizun pribatuetan. Hurrengo hiru asteotan zaintzari eusten badiogu, gainditu egingo dugu olatu hau", esan du lehen ministroak.
Telelanaren aldeko apustu handiagoa
Castexek, halaber, nabarmendu du telelanaren aldeko apustua handituko dutela Ipar Euskal Herrian, astean bizpahiru eguneko telelanaren alde eginda. Gainera, ikastetxeetan musukoa ezarriko dute, baita geletan ere, eta gelak itxiko dituzte hiru positibo atzemanez gero; eskola-eremuan, kontaktu-kirolak mugatuko dituzte. Adingabeen kutsatzeen tasak bikoiztu egiten du helduena, Frantziako Gobernuaren datuen arabera.
Testuinguru horretan, Frantziako lehen ministroak zehaztu du hilaren 15ean hasiko direla 12 urtetik beherakoak txertatzen, osasun-arriskurik handiena duten kasuetan, eta, osasun-agintarien argi berdea jaso bezain laster, gainerakoak txertatzeari ekingo diotela, urtea amaitu baino lehen.
Neurri murriztaile horiek, gehitu duenez, "ezinbestekoak dira birusak indar handiagoa hartzeko eta osasun-sistema arriskuan egon dadin. Sistema hori krisian sartu ez bada txertaketari esker da: izan ere, helduen ia % 90ek jaso dute txertoa".
Olivier Veran Frantziako Gobernuko Osasun ministroak, aldiz, esan du omikron aldaerak ez duela aldatuko, oraingoz behintzat, Gobernuaren estrategia, olatu berri honi aurre egite aldera. Veranen hitzetan, aldaera berri hau delta baino "kutsakorragoa da, baina ez arriskutsuagoa", eta hori da Frantzian hedatuena.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.