Espainia covid-19a endemia gisa kontrolatzen hasiko da seigarren olatua gainditu ondoren
Carolina Darias Osasun ministroak iragarri duenez, Espainia seigarren olatua gainditu ondoren covid-19aren gaineko zaintza eta kontrol sistema aldatzen hasiko da, "sekula ez lehenago"; izan ere, "gaixotasun pandemikoa pixkanaka-pixkanaka endemiaren ezaugarriak hartzen ari da".
"Nahiz eta seigarren olatua izan, egoerak aurrekoekin zerikusirik ez duela bistakoa da. Txertaketa portzentaje handia, omikron aldaeraren presentzia eta intzidentzia covid-19aren epidemiologia pixkanaka-pixkanaka aldatzen ari dira", azaldu du Dariasek. Zentzu horretan, pandemiaren eraldaketan txertoen garrantzia gogorarazi du ministroak.
Aldaketaren aurrean, "agertoki berriak aurreratzeko" beharra nabarmendu du Dariasek. "Horregatik, covid-19a kontrolatzeko eta zaintzeko sistema berri batera egokitzea aztertzen hasi behar gara, seigarren olatua atzean utzi ondoren, sekula ez lehenago", erantsi du ministroak.
Horrela, alerta lantaldearen adituek azterketa prozesua abiatu dutela esan du buruzagiak. Era berean, Europar Batasuneko estatu kideekin batera, "aukera berrien" eztabaidari heldu diotela iragarri du Dariasek, "endemiaren ezaugarriak pixkanaka-pixkanaka hartzen ari den gaixotasun pandemikoari aurre egiteko aukerarik onenak zehazteko".
Horrela, omikron aurrekoak baino aldaera arinagoa izaten ari dela errepikatu du ministroak; izan ere, abenduaren 13tik 26ra infektatu direnen % 2 baino gutxiago ospitaleratu behar izan dituzte, aurreko bi hilabeteetan (% 6) eta iragan urtarrileko hirugarren olatuan baino gutxiago (% 8).
Hala ere, covid pazienteek ospitaleko oheen % 13 eta ZIUen % 23 betetzen zituzten atzo, "baina duela urtebete hirugarren olatuan ikusitakoa ez dute gainditzen, nahiz eta orduan baino intzidentzia hiru aldiz handiagoak izan", adierazi du Dariasek.
Albiste gehiago gizartea
1936an Valcalderan fusilatu zituztenei omenaldia Iruñean eta Cadreitan
Frankistek hildako 51 errepublikano horien senideak eta ordezkari politikoak berriro elkartu dira sarraskiaren 89. urteurrenean omenaldia egiteko. Iruñeko errepublikanismoaren eta sindikalismoaren intelektualak eta buruzagi nabarmenak ziren.
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.