Danborradarik ez, baina Donostian Kopako partida izango da
Datorren asteazkenean ez da danborradarik izango Donostian. Hala ere, Realak 21:00etan jokatuko du Atletico Madrilen aurkako Errege Kopako final-zortzirenetako partida Reale Arenan.
Bigarren urtez jarraian, Donostiako Udalak urtarrilaren 20an ospatzen den Gipuzkoako hiriburuko festa handia bertan behera uzteko erabakia hartu du, koronabirusaren pandemia dela eta.
Hala ere, San Sebastian egunaren bezperan, Realak Errege Kopako final-zortzirenetako partida jokatuko du, Atletico Madrilek Superkopako partida galdu baitzuen atzo Athleticen aurka.
San Sebastian Eguna
Donostiako Udalak San Sebastian Egunaren inguruko jardueren berri eman du gaur, urtarrilak 14, udaletxean egindako prentsaurreko batean. Jon Insausti Kulturako eta Euskarako zinegotzi ordezkariak esan duenez, San Sebastian Eguna ezingo da "merezi duen moduan" ospatu, osasun egoera dela eta, baina hiriko egun handia gogoratzeko "hainbat elementu" izango dira.
Hain zuzen ere, lau jarduera zerrendatu ditu Insaustik: Udal Txistulari Taldearen Kontzertua, Herritar Merezimenduaren Dominak eta Urrezko Danborra banatzeko ekitaldia, Haur Danborrada eta herritarrei etxeko leiho-balkoietan hiriko bandera zabaltzeko deia.
Udal Txistulari Taldeak igandean (12:00) egingo du San Sebastian aurreko kontzertua; aurten, aforoa handitu ahal izateko, Antzoki Zaharrean, udaletxeko Udalbatza Aretoan barik. Gaur-biharretan, urtarrilak 14 eta 15, jaso ahalko dira gonbidapenak, Victoria Eugeniako leihatilan, eta igandean bertan, alerik balego, Antzoki Zaharrean.
Bestalde, Esther Ferrer artista ez da Paristik Donostiara etorriko, medikuak hala aginduta, Urrezko Danborra jasotzera, baina igandean jasoko du saria, Parisko beraren etxean, Eneko Goia bertara joango da eta.
Haur Danborrada
EITB Mediak atzo aurreratu zuen bezala, 3.000 bat haurrek, ohikoen % 63k, hartuko dute parte, urtarrilaren 20an, 12:00etatik aurrera, Haur Danborradan. Koronabirusak eragindako egoeraren ondorioz, aurten "euren poza gure poza izango da, eta euren ilusioa guztion ilusioa", esan du Insausti zinegotziak.
Kultur ekitaldietan ezin da 800 lagunetik gora pilatu, egun indarrean dagoen araudiaren ondorioz; beraz, bost gunetan beste horrenbeste danborrada izango dira, eta bakoitzak kilometro eta erdi egingo du, ohiko errepertorioaren doinuen pean.
Loiolako Erriberetan 600 haur batuko dira, Bidebietan 425, Gros eta Ulia inguruan 550, Antiguan 600 eta Erdialdean 790.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.