Datorren asteartetik aurrera farmaziako autotest bat ez da nahikoa izango baja hartzeko Nafarroan
Nafarroako Osasun Departamentuak datorren asteartetik aurrera proba diagnostiko propioak egingo dizkie baja hartu behar duten pertsonei, baita farmaziako autotest bidez covid-19an positibo eman dutenei ere. Horrela, positiboa baieztatuko dute, Foru Gobernuak ohar batean jakitera eman duenez.
Pertsona interesdunak jarraibideak eta hitzordua jasoko ditu, prozesua osasun sistema publikoan bigarren proba batekin bukatzeko.
Osasun Departamentuak eta Ekonomia Garapenerako Departamentuak neurriaren berri eman diete Nafarroako Osasun Kontseiluko kideei goizean, ezohiko bileran. Covid-19agatik laneko bajak kudeatzeko modua gai zerrendako puntu bakarra izan da.
Helburua "osasun sistema eta sozioekonomia gainkargatzen ari diren prozesuak azkartzea da, intzidentzia handiko testuinguru batean, aldeen berme guztiak mantenduz", azaldu du Nafarroako Gobernuak.
Positiboen zati bat Osasunbidearen ala erakunde pribatu homologatuen PCR edo antigeno probekin baieztatzen zituzten dagoeneko; ondorioz, baja eta alta horien kudeaketan ez da aldaketarik izango, normalean medikuak tramitatuko ditu, baina bilakaera klinikoa aztertu ondoren.
Farmaziako autotest baten bidez zirkuitoan sartu diren positiboak, ostera, Osasunbideak baieztatuko beharko ditu bigarren proba baten bidez. Herritarrek autotestak gero eta gehiago erabiltzen ari dira. Gainera, Ministerioak 2,94 euroko salneurria finkatu du.
Datorren asteartetik aurrera, autotest batean positibo ematen duten pertsonak antigenosfarmacia@navarra.es postaren bidez egoeraren berri emango dute, nahiz eta telefonoz egitea ere posible izango den, posta elektronikoa lehenetsiko da.
Pausoa nahikoa izango da osasun zirkuitoan "positibo" bezala sartzeko; jarraibideak eta aholkuak bidaliko dizkiete kutsatuari zein haren harremanei, osasun zentrotik jarraipena eginez etab.
Baina baja beharrezkoa izanez gero, jakinarazi beharko dute, osasun sistemak beharrezko datu guztiak eskatuko dizkie, eta "lehenbailehen" hitzordu bat emango die, positiboa baieztatzeko bigarren proba diagnostiko bat egiteko Osasunbideako zentro batean.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.