Bederatzi pertsona atxilotu dituzte Euskadin eta Kantabrian, animaliekin eta marfilarekin trafikatzeagatik
Guardia Zibilak bederatzi pertsona atxilotu ditu Euskadin eta Kantabrian, animaliekin eta marfilarekin trafikatzeagatik. Internet bidez saltzen zituzten, Espainiako Gobernuko Barne Ministerioak jakitera eman duenez.
RIB TOOL izeneko operazioak Euskadin era ilegalean saltzeko prest zituzten 100 pieza berreskuratu ditu; marfila, pitoi sugeak eta muskerrak, tartean.
Sepronako agenteek, DHL paketeria enpresarekin lankidetzan, barnean muskerrak eta pitoi suge bat zeramatzaten zapata-kutxak atzeman zituzten Gasteizko aireportuan. Deshidratatuta eta zaurituta zeuden, eta Karpin Abenturako Errekuperazio Zentrora eraman zituzten, Bizkaian.
Ikertzen ari diren bederatzi pertsonek marfila eta babestutako sugeen azalak saltzen zituzten, araudia bete gabe.
Euskal Autonomia Erkidegotik Espainiako zenbait probintziarantz egindako trantsakzio komertzialak antzeman zituen Guardia Zibilak, eta salerosketa plataformen lankidetzarekin iragarleak identifikatu zituzten. Saldutako marfilak 17.000 euro inguruko balioa izan lezake.
Araba, Bizkaia eta Gipuzkoako Ingurumen eta Hirigintza Ordezkaritza Sailekin batera koordinatu dute ikerketa.
Operazio hau Espezie Basatien Trafiko Ilegalaren eta Nazioarteko Ezkutuko Salmentaren aurkako Espainiako akzio planaren (TIFIES) testuinguruan kokatzen da, Life Guardianes de la Naturaleza proiektuarekin batera.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.