4 pertsona hil dira Gipuzkoako adinekoen egoitzetan, 5 Bizkaian eta bat Araban covid-19aren ondorioz
Gipuzkoako egoitzetako lau erabiltzaile hil dira azken astean covid-19aren ondorioz. Hala, 26 pertsona hil dira azaroaren 29tik.
Eider Mendoza Aldundiko bozeramaileak jakinarazi duenez, 388 kasu positibo aktibo daude banatuta 36 egoitzatan.
Azken astean 300 positibo berri atzeman dira erabiltzaileen artean, eta 379 sendatu dira.
Egoitzetako langileei dagokienez, gaur egun 254 positibo daude, aurreko astean baino 22 gehiago, 47 egoitzatan banatuta.
Arabako egoitzetan kutsatutako erabiltzaileen kopuruak gora egin du astebetean, 26 gehiago, eta 168 dira dagoeneko. Gehienak, 148, erakunde pribatuetakoak dira. Kasu aktiboak dituzten zentroak 19ra murriztu dira, hau da, zazpi gutxiago. Gainera, pertsona bat hil da.
Gaur egun sei pertsona daude ospitaleratuta, duela zazpi egun baino bi gutxiago. Gainerako kutsatuek sintoma arinak dituzte edo sintomarik gabekoak dira.
Gainera, azken astean 131 erabiltzaile berreskuratu dira. Arabako egoitzetako 103 langile bajan daude kontaktu estua edo positibo izateagatik.
Bizkaian egoitzetako bost erabiltzaile hil dira azken astean, aurreko astean baino bat gehiago. Adinekoentzako egoitza-zentroen sareak 366 erabiltzaile ditu gaur egun positibo baieztatuarekin, duela zazpi egun baino 160 gutxiago, eta horietatik 29 ospitaleratuta daude.
Langileen artean, egoitzetako 205 langilek dute positibo baieztatua, zazpi egun lehenago baino 23 gutxiagok, eta beste 39 isolamenduan daude, baina covid-19aren baieztapenik gabe, aurreko asteko berberak.
Zure interesekoa izan daiteke
Etxebizitza batetik erori den emakume baten heriotza ikertzen ari dira Iruñean
Gertakariak bart jazo dira, Sanduzelai auzoko etxebizitza batean. Udaltzaingoak gizon bat atxilotu du biktimarengandik urruntzeko zuen agindua urratzeagatik, eta ikerketa abiatu du bi kontuek zerikusia duten argitzeko.
Basauriko hilketa matxistaren ustezko egilea espetxeratu dute, indarkeriaz egindako lapurreta bat egotzita
Bilboko Udaltzaingoak ostiral gauean atxilotu zuen, lapurtzeko asmoz bi gizon jotzea egotzita. Ordu batzuk lehenago, arratsaldean, beste pertsona batek haren kontrako salaketa jarri zuen, lesio larriak eragitea egotzita. Duela astebete pasatxo utzi zuen aske Bilboko Guardiako Epaitegiak.
Emakume baten gorpua aurkitu dute Zumaiako Itzurun hondartzan
Paseatzen ari zen pertsona batek aurkitu du hilotza, eta indarkeria zantzurik ez badu ere, Ertzaintzak ikerketa abiatu du gertatutakoa argitzeko.
Bi gizon atxilotu dituzte Tolosan pertsonen trafiko irregularra egotzita
Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.
Etxebizitza eraikin bat jendez hustu dute sute baten ondorioz, Ordizian
Elkarte baten tximiniak su hartu ostean, bizilagun batzuek etxetik kanpo igaro behar izan dute gaua. Inor ez da zauritu.
Primitivak hiru milioi eta erdi euro baino gehiago utzi ditu Bizkaian
Sariaren zenbatekoa bi zatik osatzen dute: 2.422.493,36 euro, kategoria bereziari dagozkionak, eta horiei 1.113.371,22 euro gehitu behar zaizkie, lehenengo kategoriakoak (sei asmatutakoak), aurreko zozketetan ez baitzegoen asmatzailerik kategoria horretan.
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.
Amaitu dira pilaketak N-1 errepidean, Andoain parean
Bi kamioik eta auto batek ezbeharra izan dute 15:15ean, Donostiarako bidean. Ibilgailu astunek guraizearena egin dute, eta bidea trabatzen geratu dira. Ilara luzeak sortu dira, baina 18:45erako konponduta zeuden arazoak, eta zirkulazioa ohikoa zen.
Airearen kalitatea "egokia" da Iurretan, Smurfit Kappa paper fabrikan sutea piztu eta biharamunean
Iurretako Udalak nabarmendu duenez, gaur egindako analisien arabera, "ez dago osasunerako inolako arriskurik"; are gehiago, atzotik "parametroek behera egin dute" euriari esker. Suhiltzaileek gau osoa eman dute sua itzaltzen, eta han geratu dira, erretako materiala bustitzen. N-634 errepidea gaur goizean zabaldu dute berriro.